დღეს, ყოფილი შრომითი რეზერვების ხელოვნურსაფარიან მინდორზე საფეხბურთო კლუბმა „გაგრამ" ამხანაგური შეხვედრა გამართა. ჩვენი გუნდის მეტოქე პირველ ლიგაში მოასპარეზე „სტუ" იყო.

ჩვენმა გუნდმა მატჩის პირველ ნახევარში შემდეგი შემადგენლობით ითამაშა:

„გაგრა": ბეგაშვილი, ხუციძე, ტყეშელაშვილი, ნარმანია, ჯიშკარიანი, სარდალიშვილი, ხოჯაშვილი, ზვიადაძე, როსტიაშვილი, ჭკუასელი, ჯერემია.

მეორე ტაიმში შეცვლაზე შევიდნენ:

კვანტალიანი, სეთურიძე, კიკნაველიძე, ყურულაშვილი, დეკანოიძე, ფალავანდიშვილი, ნადირაძე, ყიფიანი, კობერიძე.

მატჩი თანაბარ ბრძოლაში წარიმართა, თუმცა შეხვედრის მერვე წუთზე ჩვენს კარში გოლი გავიდა: შორი მანძილიდან დარტყმული ბურთი ბეგაშვილისგან მარჯვენა მაღალ კუთხეში გაეხვა. გოლი მართლაც ლამაზი გამოვიდა…

ეს იყო და ეს, რაც მეტოქემ ამ შეხვედრაში მოახერხა. ამის შემდეგ, ჩვენი გუნდი სრულ სათამაშო და ტერიტორიულ უპირატესობას დაეუფლა და პირველივე ტაიმში დაწინაურდა:

„გაგრამ" ანგარიში მე-20 წუთზე გაათანაბრა: ნიკა ჯიშკარიანმა შეტევის მარცხენა ფრთიდან ბურთი მეტოქის საჯარიმოში ჩაჰკიდა, დასწრებაზე ჩინებულად ითამაშა ჯონ ჯერემიამ და თავური დარტყმით გაიტანა.

28-ე წუთი – ხუციძისა და როსტიაშვილის ბრწყინვალე კომბინაციის შემდეგ, ამჯერად კარგად უკვე მიშიკო სარდალიშვილი თამაშობს, რომლის თავური დარტყმაც მეკარემ ვერ მოიგერია და „გაგრა" დაწინაურდა.

მიმდინარეობდა შეხვედრის 62-ე წუთი, როდესაც სეთურიძემ ჩინებული გადაცემა გაუკეთა მიშიკო სარდალიშვილს, რომელმაც აკრობატულ ნახტომში, ულამაზესი გოლი გაიტანა – 3:1.

შეხვედრას საბოლოო წერტილი კი ლევან ყიფიანმა დაუსვა:  ყურულაშვილის ჩინებული გადაცემის შემდეგ, კვანტალიანს კარში დარტყმა შეეძლო, მაგრამ უკეთეს პოზიციაზე მყოფი ყიფიანი მოძებნა, რომელმაც ზუსტი დარტყმით შეხვედრის საბოლოო ანგარიში დააფიქსირა – 4:1.

აქვე ისიც გვინდა გითხრათ, რომ შეხვედრას საქართველოს 19-წლამდელთა ნაკრების მთავარი მწვრთნელი კახა კაჭარავა და საქართველოს 21-წლამდელთა ნაკრების მთავარი მწვრთნელის ასისტენტი, ზაურ სვანაძე დაესწრნენ.