დღეს, გუნდმა დილის ვარჯიში სრული შემადგენლობით ჩაატარა. სამდღიანი შესვენების შემდეგ _ გიორგი ტყეშელაშვილი, გიორგი როსტიაშვილი, ლევან ყიფიანი, ლევან სეთურიძე და გუგა ფალავანდიშვილი, გუნდს დაუბრუნდნენ და სრულფასოვანი ვარჯიში გამართეს.
მცირედი ტრავმა მიიღო ვარჯიშზე ნიკა ნარმანიამ, რომელიც საღამოს ვარჯიშს გამოტოვებს, თუმცა ტრენაჟორების დარბაზში ჩავა და ფიზიკურად დაიტვირთება. მისი ტრავმა სერიოზული არაა და 3 თებერვალს ამხანაგურ შეხვედრაში მონაწილეობას მიიღებს.
3 თებერვალს ჩვენი მეტოქე ყარაღანდის შახტიორი იქნება, რომელიც გუშინ დაბინავდა სასტუმროში. მათთან შეთანხმებით გადაწყდა, რომ 3 თებერვალს ორ მატჩს ორი შემადგენლობით გავმართავთ. აღნიშნული შეხვედრები თბილისის დროით 13.00 და 16.00 საათზე ჩატარდება.

დღის ვარჯიში   Movie-training (გადმოტვირთე)