ნაძალადევში მდებარე შრომითი რეზერვების ხელოვნურსაფარიან მინდორზე საფეხბურთო კლუბ გაგრასა და ბოლნისის სიონს შორის ამხანაგური შეხვედრა გაიმართა.
ორივე გუნდმა ძირითადი შემადგენლობის ფეხბურთელებით ითამაშა და ამიტომაც მატჩი საკმაოდ საინტერესოდ და დრამატულად წარიმართა.
ჩვენმა გუნდმა თამაში ცოტა არ იყოს არადამაჯერებად დაიწყო, რის გამოც დაახლოებით მეოცე წუთისთვის შეხვედრას 0:2-ს ვაგებდით.
ამის შემდეგ გუნდმა უფრო გააზრებული, კომბინაციური თამაში დაიწყო და არაერთი სახიფათო მომენტი შექმნა ბოლნისელთა კართან.
ამ მხრივ ნამდვილად გამოირჩეოდა ნიკა ჭკუასელი, რომელმაც `თამაში დაალაგა~, ზუსტ გადაცემებს ასრულებდა და რაც მთავარია, ორი შედეგიანი დარტყმაც განახოცირციელა. გამოსარჩევია მეორე გოლი, რომელმაც მან შორეული დარტყმით გაიტანა და სტადიონზე მყოფი მაყურებლებისგან მოწონება დაიმსახურა. პირველი ტაიმი ფრედ დასრულდა.
მატჩის მეორე ნახევარში ორივე გუნდმა რამდენიმე ცვლილება გააკეთა, ორივე გუნდს მოგება სურდა. შეხვედრაში კიდევ ერთხელ ბოლნისელები დაწინაურდნენ, როდესაც სტანდარტული მდგომარეობის დროს, ჩვენი მცველები ვითარებაში ვერ გაერკვნენ დ ოქროპირიძემ ახლო მანძილიდან ადვილად შეძლო გოლის გატანა, თუმცა მატჩის დასრულებამდე 5 წუთით ადრე მეტოქის საჯარიმოში დასწრებაზე კარგად ითამაშა შალვა კვნტალიანმა, რომელმაც შეხვედრის საბოლოო ანგარიში დააფიქსირა.
გაგრამ შემდეგი შემადგენლობით ითამაშა:
ბეგაშვილი, ტყეშელაშვილი, კალანდაძე, ხუციძე, ჯგერენაია, ნ.ჯიშკარიანი, ყურულაშვილი, ზვიადაძე, ჯერემია, ჯალიაშვილი, ჭკუასელი.
შეცვლაზე შევიდნენ: მაღრაძე, კობერიძე, კიკნაველიძე, კვანტალიანი, სეთურიძე, ხოჯაშვილი, ფალავანდიშვილი, ნადირაძე, ჩადუნელი.