საქართველოს ჩემპიონატის პირველი ეტაპის დასრულების შემდეგ მარტვილის "მერანში" მნიშვნელოვანი ცვლილებები განხორციელდა. გუნდი დატოვა ერთბაშად ხუთმა ფეხბურთელმა: მცველებმა, თორნიკე შალიკაშვილმა და ლევან ჭაფოძემ, ნახევარმცველებმა, გიორგი მემარნიშვილმა, ჯოელ იატრომ და გურამ სამადაშვილმა.

ჩვენი ინფორმაციით, ფაქტობრივად გადაწყვეტილია ბოლო დროს თურქეთში მოთამაშე ცხინვალის "სპარტაკის" ყოფილი ფეხბურთელის დავით მამედოვისა და "ჩხერიმელას" ლიდერის გია ბოხუას ტრანსფერები. მიმდინარეობს მოლაპარაკებები ირაკლი ეხვაიასა ("ბაია") და გიგა კვერენჩხილაძის ("გურია") გადმოსაბირებლადაც.

გუნდის მთავარ მწვრთნელ მალხაზ ჟვანიას თქმით, "მერანს" შესვენება 8 იანვარს დაუსრულდება, ფეხბურთელები მარტვილში შეიკრიბებიან და სეზონისთვის მზადებას შეუდგებიან. 16-დან 26 იანვრამდე "მერანი" ურეკში გადაინაცვლებს, სადაც დაგეგმილია ამხანაგური მატჩები. მეტოქეთა ვინაობა უახლოეს დღეებში დაზუსტება.

ყოველდღიური სპორტული გაზეთი "ლელო"