ბაია ზუგდიდი                                    
 სამშაბათი,11:48 AM,2019 

ბანერი


სიახლე















საგაზაფხულო ეტაპისთვის მზადებას ეროვნული ჩემპიონატის დებიუტანტი - მარტვილის "მერანიც” განაგრძობს. ახალბედის პირობაზე, ოფიციალურ მატჩებში მალხაზ ჟვანიას გაწვრთნილი გუნდი საკმაოდ კარგ შედეგსაც უჩვენებს - "მერანი”, 18 მატჩში დაგროვილი 29 ქულით, მე-5 ადგილზეა და ქვედა ოთხეულიდან ყველაზე მაღლა მყოფ ცხინვალის "სპარტაკთან” 10 ქულა აშორებს.
სწორედ შიდაქართლელებთან გამართეს ჟვანიას გაწვრთნილებმა ბოლო საკონტროლო მატჩი, თბილისში, ბენდელას სტადიონზე და ფრედ - 2:2 ითამაშეს. მანამდე, "მერანმა” ქუთაისის "ტორპედოსთან” (0:2) და "ზესტაფონთან” (1:2) წააგო. უახლოეს სპარინგს რაც შეეხება, იგი მარტვილელებს "მარაკანაზე” (ესეც თბილისშია) ექნებათ და ამჟამადაც უმაღლესი ლიგის ბინადარს, ბოლნისის "სიონს” დაუპირისპირდებიან.
როგორც კლუბის ოფიციალური ვებგვერდი იუწყება, გუნდი ამჟამად თბილისურ შეკრებაზე იმყოფება და სასტუმრო "მესაზღვრეშია” დაბინავებული, ვარჯიშები კი, ნაძალადევში მდებარე "ნორჩი დინამოს” აკადემიის ხელოვნურსაფარიან მოედანზე უტარდებათ.
"მერანის” თავკაც მალხაზ ჟვანიას "მსოფლიო სპორტი” ტელეფონით დაუკავშირდა და გუნდში მომხდარ და მოსახდენ სიახლეებზე ესაუბრა.
- ბატონო გიგა, გავრცელდა ინფორმაცია, თითქოს "მერანში” გია მეგრელაძე ისინჯება.
- მეგრელაძე ისინჯება უზბეკეთში, თორემ ჩვენთან რა გასინჯვა უნდა - ამის გარეშეც სიამოვნებით ავიყვანთ.
- ე.ი. უცხოეთიდან რომ ჩამოვიდეს, "მერანში” მის თამაშს ხელს აღარაფერი შეუშლის?
- გია უკვე ჩამოსულია - დღეს მამამისის გასვენებაა (საუბარი კვირას ჩავიწერეთ - ფ.კ.). ახლა სწორედ იქიდან მოვდივარ. ზუსტად არ ვიცი, რას აპირებს, როცა ამ დღეებში ოდნავ დაწყნარდება, გადაწყვეტილებასაც მიიღებს, სად განაგრძობს კარიერას. შესაბამისად, ჩვენც იმის მიხედვით მოვიქცევით.
- გამოდის, თუ მეგრელაძე საქართველოში ითამაშებს, ეს გუნდი მარტვილის "მერანი” იქნება?
- იმედია. ამ ეტაპზე, ასეთი სურვილია ჩვენგანაც და ფეხბურთელისგანაც. ვნახოთ, რა სახეს მიიღებს მომავალში ჩვენი ურთიერთობა.
- გუნდის სხვა სიახლეებზეც გვითხარით.
- უკვე დავიმატეთ გიორგი ტორონჯაძე, რომელსაც ფარერის კუნძულებზე თამაშის გამოცდილება აქვს. ხარაგაულის "ჩხერიმელადან” კი გიგა ბოხუა ავიყვანეთ. ჩვენი დუბლშემადგენლობიდან დავაწინაურეთ რომან კიკალიშვილი და 1994 წელს დაბადებული 2 მარტვილელი ფეხბურთელი - პაპუნა ფონიავა და ლევან გეგეჭკორი. ისინი ჭაბუკთა ლიგიდან ჯერ დუბლებში, ახლა კი, დიდ გუნდში გადმოვიყვანეთ.
- და ამით დამთავრდება გუნდის განახლების პროცესი?
- დიახ, ეს იქნება ამ სეზონში "მერანის” საბოლოო სახე. ჩვენი მთავარი მიზანი იყო, შეგვენარჩუნებინა ის ბირთვი, რომელიც მთელი სეზონის განმავლობაში გვერდში გვედგა. ზემოთ ჩამოთვლილი ფეხბურთელები კი, ის ახალი "სისხლია”, რომლის იმედი გვაქვს მომავალი ჩემპიონატისთვის და შესაბამისად, ახლაც უარს არ ვიტყვით ბრძოლებში მათ ჩაბმაზე.
- კოტდივუარელი მუნინი ტაპე, რომელიც ჩემპიონატის გასულ პერიოდში გატანილი 5 გოლით "მერანის” საუკეთესო ბომბარდირი იყო, საქართველოში ჩამოსვლას აღარ აპირებს?
- ეს გადაწყვეტილია, ჩვენ მისი უკან დაბრუნების იმედი აღარ გვაქვს.
- ეს ფეხბურთელი თქვენთან უკონტრაქტოდ იყო, თუ მისი ვადა დასრულდა და გაგრძელება აღარ ისურვეთ?
- კონტრაქტი როგორ არ გვქონდა. გუნდის სურვილი იყო, ის ჩვენთან კიდევ დარჩენილიყო, მაგრამ ეს ვეღარ მოვახერხეთ. რადგან ტაპემ ოჯახში დაბრუნება გადაწყვიტა, რას ვიზამდით. ჯერჯერობით, ის ისევ გუნდში ირიცხება - 6 თვე აქვს დარჩენილი ხელშეკრულების ვადის გასვლამდე, მაგრამ მისი სურვილის საწინააღმდეგოდ, უკან ხომ ვერ ჩამოვიყვანთ.
- სეზონის დარჩენილ პერიოდში, გუნდის მიზანი ისევ საუკეთესო 8 გუნდში მოხვედრაა?
- ალბათ, საუკეთესოთა შორის მოხვედრაში, თუ ყველაფერი უკუღმა არ დატრიალდა, ხელს ვერაფერი შეგვიშლის. გვინდა, თამაშის ის ხარისხი, რომელსაც გუნდი აქამდე აჩვენებდა, კიდევ უფრო გავაუმჯობესოთ და დავხვეწოთ.
- ბოლოს ინფრასტრუქტურაზე გკითხავთ. სტუმარ გუნდებზე რომ არაფერი ვთქვათ, მგონი, თქვენც არ უნდა იყოთ კმაყოფილი ადგილობრივი სტადიონის საფარის ხარისხით. ყველა ერთხად აღნიშნავს, რომ მარტვილში კარგი ფეხბურთის თამაში ძნელია.
- ძნელი კი არა... ამ საკითხზე კლუბის ხელმძღვანელობას დაუკავშირდით, ისინი უფრო კომპეტენტურ პასუხს გაგცემენ. ვიცი, რომ ისინი პრობლემის გადასაჭრელად მუშაობენ.
 

 

ფრიდონ კერვალიშვილი




რეიტინგი: 0.0/0
კატეგორიაკატეგორია: |ნანახიანანახია: 754 |ავტორიავტორი: სტუმარი | თარიღითარიღი: 2019-11-12 | კომენტარები (0)

სულ კომენტარები:: 0
1
სახელი *:
მეილი:
კოდი *:

სამართავი პანელი







ძებნა







გამოკითხვა

ზამთრის საუკეთესო ტრანსფერი


არქივი
შედეგები

სულ პასუხი:
167

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი





  
  


ბოლო თამაშები

დილა გორი  0 - 0   კოლხეთი ფოთი   
ტორპედო     2 - 1   მერანი მარტვილი 
ზესტაფონი  5 - 1     დინამო    
გაგრა           1 - 0     ვიტ ჯორჯია   
სიონი           0 - 3     დილა გორი  
ბაია             1 - 1     ტორპედო  
მეტალური   0 - 0    ზესტაფონი  
კოლხეთი ფოთი      1 - 0    სპარტაკი   
მერანი მარტვილი   2 - 1  დინამო  
მერანი მარტვილი   0 - 2 ზესტაფონი

ბომბარდირები

# Name /სახელ
Club/კლუბი
S - -
1
Djaba Dvali Djaba Dvali
FC Zestafoni
16 9 3 12
2
Xisco Xisco
Dinamo Tiflis
15 9 2 11
3
Dimitri Tatanashvili Dimitri Tatanashvili
Metallurgist Rustavi
17 8 0 8
4
Nikoloz Gelashvili Nikoloz Gelashvili
FC Zestafoni
11 7 2 9
5
Besik Chimakadze Besik Chimakadze
WIT Georgia Tiflis
18 6 3 9
S-თამაში
-- გოლები
-- ასისტი

ვიდეო

ცხრილი

სტატისტიკა

სულ ონლაინში: 1
სტუმარი: 1
მომხმარებელი: 0