საფეხბურთო კლუბი გაგრა 23 იანვარს ანთალიაში გაემგზავრა. გუნდი ჯერ ტრაბზონში ჩავიდა, ხოლო იქიდან თვითმფრინავით ანთალიაში 24 იანვრის დილის 10 საათზე ჩაფრინდა.
ანთალიაში ძლიერ წვიმდა, მაგრამ რამდენიმე წუთში გადაიღო. ცივი ამინდები მხოლოდ ორი დღე გასტანს, 26 იანვარს კი მზიანი ამინდები იქნება.
ჩვენს ჩასვლას დაემთხვა ანთალიაში გორის დილას სტუმრობაც და ორივე გუნდის მწვრთნელების შეხვედრა ფოტოზეც აღვბეჭდეთ.
საბოლოოდ, გორელებმა გეზი ბელეკისკენ აიღეს, ჩვენ კი სიდეში გამოვემგზავრეთ და სასტუმრო BLUE WATER CLUB-ში დავბინავდით.
ჩინებული სასტუმრო, საკმაოდ კარგი მომსახურეობით, პირობებით. გუნდის სამწვრთნელო შტაბმა დაათვალიერა სასტუმროსთან მდებარე სავარჯიშო მინდორი. მოკლედ, ყველანაირი პირობა არის იმისა, რომ გუნდმა სრულფასოვანი მოსამზადებელი ციკლი გაიაროს და ამისთვის დიდ მადლობას გადავუხდით კლუბის ხელმძღვანელობას.
დღეს, 17.00 საათზე პირველი ვარჯიშია დაგეგმილი, ხოლო ხვალიდან გუნდი ორჯერად ვარჯიშებზე გადავა.
სადილის შემდეგ ჩატარდა კრება, სადაც ზვიად ჯელაძემ ცალკეული დავალებები მისცა სამწვრთნელო შტაბს და ასევე ფეხბურთელებს.
აქვე იმასაც გეტყვით, რომ სასტუმროში გაგრასთან ერთად დაბინავებულია უკრაინული ზარია და კარპატი, ყარაღანდის შახტიორი.