გორის "დილამ" ანთალიაში ტესტ-მატჩი გამართა რუმინულ "გაზ მეთანთან" და ფრედ - 0:0 ითამაშა. "გაზ მეთანი", სადაც გასულ ორ სეზონში აკაკი ხუბუტია თამაშობდა, ქვეყნის ჩემპიონატში მე-11 ადგილზეა.
ახლა უფრო საინტერესო - "დილაში" ახალი უცხოელი ფეხბურთელია... ის მეკარე გახლავთ და მისი სახელ-გვარია მარინ სკენდერი.
32 წლის გოლკიპერი ბოლო ერთი წლის განმავლობაში ხორვატიის საუკეთესო კლუბში - ზაგრების "დინამოში" გახლდათ, თუმცა, თამაში არ უწევდა. სკენდერი 2002-03 წლებში "ვუკოვარში" იყო, კარიერის დიდი ნაწილი (2003-09) "ოსიეკში" გაატარა, ხოლო 2009-10 წლების სეზონში "ზაგრების" კარს იცავდა, რომელსაც იმ დროს ივო შუშაკი წვრთნიდა. სკენდერი თავისუფალი აგენტია.
დარჩება თუ არა ხორვატი მეკარე "დილაში", ჯერ გადაწყვეტილი არაა.
2 თებერვალს "დილა" ჩეხურ "იაბლონეცს" შეხვდება საკონტროლო მატჩში.