ბანერი

სიახლე

წლევანდელი ანთალიური შეკრების ბოლო, მეხუთე საკონტროლო მატჩი ქუთაისის "ტორპედომ” უკრაინის პრემიერლიგის მიმდინარე გათამაშებაში მე-15 ადგილზე მყოფ ლუგანსკის "ზორიასთან” ითამაშა.
   გია გეგუჩაძემ გუნდს თამაში 4-5-1 სქემით დააწყებინა. დაცვის მარჯვენა ფლანგზე რიგვავა, ცენტრში ფარულავა და კვახაძე, მარცხნივ გურული; ნახევარდაცვის ფლანგებზე იოსელიანი (მარჯვნივ) და საბანაძე იყვნენ განაწილებული, კუხიანიძეს, დათუნაიშვილს და თარხნიშვილს კი მეტწილად მოედნის ცენტრის გაკონტროლება ევალებოდათ; ერთადერთ გამოკვეთილ ფორვარდ გოცირიძეს, თანაგუნდელების მიერ შექმნილი მომენტების გოლად გარდაქმნა უნდა ეცადა.
   თამაშის წინ ანთალიაში წვიმა დაიწყო, თუმცა ამას ფეხბურთელებისთვის ხელი დიდად არ შეუშლია, თუ არ ჩავთვლით მატჩის ბოლო.წუთებს, როცა გაზონი ძალიან "დამძიმდა". მეტოქის რიგებში ქართველი შემტევი ნახევარმცველი ჯაბა ლიპარტიაცაა, რომელსაც მწვრთნელი ალბათ მეორე ტაიმში შეუშვებს სათამაშოდ.
   საწყისი ნახევარი საათი მეტად უღიმღამო საყურებელი იყო. ფეხბურთელები მოედნის ცენტრში ცდილობდნენ თამაშის სადავეების მოპოვებას, მომენტების შექმნას კი ვერ ახერხებდნენ.
   კარში განხორციელებული პირველი დარტყმა უკრაინელ ივან როდიჩზე მოდის, რომელმაც მე-7 წუთზე შეძლო ბურთის ჩვენ კარში გაგზავნა, მაგრამ მიგინეიშვილი მოწოდების სიმაღლეზე იყო.
   30-ე წუთიდან "ტორპედო” უპირატესობას დაეუფლა და 5-წუთიან მონაკვეთში რამდენიმეჯერ დაემუქრა უკრაინელთა კარს. იოსელიანმა შეუტია მარჯვენა ფლანგიდან, მაგრამ დარტყმისას მიზანმა დააღალატა, მერე კი საჯარიმოში მყოფი გოცირიძე შემოტრიალებით უტყამდა და მეკარე დაეუფლა ბურთს.
   მაშინ, როცა ჩვენ უნდა გაგვეტანა, გოლი აქით მივიღეთ. 35-ე წუთზე "ზორია” საჯარიმო დარტყმის ჩაწოდების შემდეგ დაწინაურდა. ლუგანსკელთა ბოსნიელმა ლეგიონერმა ტონი შუნიჩმა, მაღალი ბურთისთვის ბრძოლაში ჩვენს კიპერს დაასწრო და თავური დარტყმით ანგარიში გაიხსნა - 0:1.
   ამ მომენტიდან სულ მალე, პავლო მიაგკოვს შეეძლო სხვაობის გაზრდა, მაგრამ მისი თავურის შემდეგ ბურთი მცირედით ასცდა კარს. ტაიმის ბოლო წუთზე ნიკა საბანაძე ურტყამდა შორი მანძილიდან მეტოქის კარისკენ - ბურთი ზემოდან გადაცდა კარის ჩარჩოს. მანამდე იყო მომენტი, როცა შეტევაშილექსო კვახაძე ჩაერთო და დაარტყა კიდეც, თუმცა მის თავურს სიზუსტე აკლდა.
   განახლდა თუ არა თამაში, მოედანზე "ზორიას” რიგებში შესული ჯაბა ლიპარტია შორი მანძილიდან დაემუქრა ჩვენს კარს - ზემოდან გადაცდა. 50-ე წუთზე ქართველმა მცველებმა პოზიციური შეცდომა დაუშვეს, მათ ბოდეს მანევრი გამოეპარათ და ერთ-ერთი მათგანი იძულებული გახდა წაექცია იგი საჯარიმოში - პენალტი. დარტყმა ლიპარტიამ შეასრულა - 0:2.
   უპირატესობას უკრაინელები სრულად დაეუფლნენ. 65-ე წუთზე მეკარესთან დარჩენილ ბოდეს შეეძლო გატანა, მაგრამ მიგინეიშვილის ზურგს უკან გადაგდებული ბურთი კარს ზემოდან გადაევლო.
   66-ე წუთზე "ზორიამ” კიდევ გაგვიტანა. გოლის ავტორი სერბი ლეგიონერი მიხაილო ცაკიჩი - 0:3.
   71-ე წუთზე ჩვენც შევძელით გოლის გატანა. კუთხური "ზორიას” კართან - გურული მოცელეს უკრაინელებმა თავიანთ საჯარიმოში და პენალტი, რომელიც ზუსტად შეასრულა დავით ჯანელიძემ - 1:3.
   გოლმა ქართველები საგრძნობლად "გამოაფხიზლა”. ყველაზე მეტს აქტიურობს ჯანელიძე, რომელიც 75-ე წუთზე ძალიან ახლოს იყო კიდევ ერთ გოლთან, მაგრამ მის ძლიერად დარტყმულს მიზანი დააკლდა.
   ვალში არც ლუგანსკელები გვრჩებიან. წვიმამ გრუნტი "დაამძიმა” რაც ჩვენს მცველებს ბურთის მოგერიებაზე თამაშს აიძულებს. ჩვენს კართან დანიშნული ყველა სტანდარტი სახიფათოა. ზედიზედ 2-ჯერ ჩააწოდა საჯარიმო ლიპარტიამ - პირველად მცველმა გამოიტანა, მეორედ ბოდე ურტყამს თავს და მცირედით აცილებს მიზანს.
   სამწუხაროა, მაგრამ ფაქტი - "ზორია” ბოლო წუთებშიც ფლობდა საგრძნობ უპირატესობას. ბევრი სამუშაო ჰქონდა მიგინეიშვილს და მცველებს, რომლებიც მეტოქის მიერ შექმნილ რეალური საგოლე მომენტების მოგერიებას ვერ აუდიოდნენ.
   საბოლოოდ "ზორიამ” 3:1 მოგვიგო, რაც ამ შეკრებაზე "ტორპედოს" მე-2 მარცხია (პირველად რუმინეთის "ბრაშოვთან” 0:2 წავაგეთ).
   "ტორპედომ” "ზორიასთან” სპარინგი ასეთი შემადგენლობით გამართა:
   ომარ მიგინეიშვილი; დათა რიგვავა (გრიგოლ დოლიძე 54), თემურ ფარულავა (ბაქარ მირცხულავა 46), ალექსანდრე კვახაძე (ლაშა შერგელაშვილი 46), გიორგი გურული; გივი იოსელიანი (ლაშა კემუხტაშვილი 64), გიორგი კუხიანიძე (გიორგი ლემონჯავა 54), გიორგი დათუნაიშვილი (ვალერი ბოლქვაძე 64), თორნიკე თარხნიშვილი (გიორგი ქუცურუა 66), ნიკა საბანაძე (გიორგი რეხვიაშვილი 66); რევაზ გოცირიძე (დავით ჯანელიძე 46).
   ეს, "ტორპედოსთვის” ამ შეკრების ბოლო საკონტროლო მატჩი იყო. ჩვენი გუნდი ხვალ სამშობლოში მოემგზავრება.

რეიტინგი: 0.0/0

კატეგორია: |

ნანახია: 1114 |

ავტორი: სტუმარი |

თარიღი: 2024-04-26 |

კომენტარები (0)

სულ კომენტარები:: 0

სამართავი პანელი

ძებნა

გამოკითხვა

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი

ბოლო თამაშები

დილა გორი 0 - 0 კოლხეთი ფოთი
ტორპედო 2 - 1   მერანი მარტვილი
ზესტაფონი 5 - 1     დინამო
გაგრა           1 - 0     ვიტ ჯორჯია
სიონი           0 - 3     დილა გორი
ბაია     1 - 1     ტორპედო
მეტალური   0 - 0    ზესტაფონი
კოლხეთი ფოთი      1 - 0    სპარტაკი
მერანი მარტვილი   2 - 1 დინამო
მერანი მარტვილი   0 - 2 ზესტაფონი