მარტვილის საფეხბურთო კლუბი მერანი ,,სალხინოს” ბაზაზე შეიქმნა საქართველოს ერთ-ერთ ულამაზეს მარტვილის რაიონში (ჭყონდიდის ეპარქიაში), რომელიც მდიდარია ფეხბურთზე უსაზღვროდ შეყვარებული ჭეშმარიტი მამულიშვილებით და საფეხბურთო ტრადიციებით.

მარტვილში ფეხბურთის ისტორია იწყება 1955 წლიდან როდესაც ჩამოყალიბდა საფეხბურთო გუნდი გეგეჭკორის (ამჟამად მარტვილის) ,,სალხინო” ფეხბურთის განვითარებისათვის უაღესად ერთგული მამულიშვილის გიგლა სურმავას უდიდესი  ძალისხმევით.

1955 წლიდან გეგეჭკორის  ,,სალხინო” ბრწყინვალედ გამოდიოდა  საქართველოს ჩემპიონატში და 1960 წელს გადავიდა საქართველოს ჩემპიონატის პირველ ჯგუფში და წლების მანძილზე გამოდიოდა  პირველ ჯგუფშირომლის ძირითად საფეხბურთო ბირთვს შეადგენდნენ ისეთი გუნდები, როგორებიც იყვნენ სოხუმის დინამო, ზუგდიდის დინამო, ფოთის კოლხეთი, სენაკის ეგრისი, სამტრედიის ლოკომოტივი, ლანჩხუთის გურია, ოზურგეთის მერცხალი, ბათუმის დინამო, ქუთაისის დინამო, ტყიბულის მეშახტე, ჭიათურის მაღაროელი,ზესტაფონის მეტალურგი, გორის დილა, ახალციხის მესხეთი, ცხინვალის სპარტაკი, თელავის ნადიკვარი, თბილისის სინათლე, სკა ისანი, ფიზკულტურის ინსტიტუტი, და ის რომ გეგეჭკორის ,,სალხინო” დამკვიდრდა მათთან ერთად იყო ბატონი გიგლა სურმავას და მწვრთნელის ქიშვარდჭილაიას  უდიდესი დამსახურება.

1964 წელს საფეხბურთო კლუბი ,, სალხინო” ჩაიბარა სპორტულმა საზოგადოება ,,კოლმეურნემ” თავჯდომარე გურამ ჭილაია, რომლის ხელმძღვანელობით  ,, სალხინომ’’  დიდ  წარმატებას მიაღწია.  1972 წლამდე მწვრნელთა კორპუსს სათავეში ედგა მთავარი მწვრთნელი  ბიჭიკო  შალელაშვილი.

1968-1977  წლებში ბატონ გურამ ჭილაიას ინიციატივით  და რაიონის  თავკაცის   ნოდარ  ჩხოლარიას მხარდაჭერით მარტვილში  აშენდა საფეხბურთო  სტადიონი.  ბატონი გურამ ჭილაია   სიცოცხლის ბოლომდე ზრუნავდა საფეხბურთო ინფრასტრუქტურაზე და  ფეხბურთის განვითარებაზე.  წლების განმავლობაში  მას გვერდში ედგნენ  1972  წლიდან ზაურ ბართაია   და დაზმირ ვახანია  მთავარი მწვრთნელების სტატუსით. სწორედ ბატონი დაზმირ ვახანიას  მწვრთნელობის პერიოდში  ,,სალხინომ”  უდიდეს წარმატებას მიაღწია.

1977 წელს საქართველოს თასის ფინალისტი  თბილისში

1974 წელი ა. ჟორდანიას  სახელობის თასის მფლობელი.

1975 წელი  მოლდავეთში ოქროს თავთავის  თასზე მე-2 ადგილი

1976 წელი  ერევანში  ოქროს თავთავის თასზე მე-3 ადგილი

1978 წელი  მარტვილში ოქროს თავთავის თასზე  1-ლი ადგილი.

1977 წელი თბილისი  ა.ჟორდანიას თასის მფლობელი.

1981 წელს ,,სალხინოს’’ მთავარი მწვრთნელი  გახდა გივი კვესელავა, მწვრთნელი  დემურ ჩხეტია, გუნდის უფროსი დაზმირ ვახანია.

1983 წელი ქ.ცხინვალი  კოლმეურნეს თასის  ფინალისტი.

1985  წელი  თბილისი  ა.ჟორდანიას თასის მფლობელი.

1986  წელი თბილისი საქართველოს თასის  ფინალისტი.

1991 წლიდან ცნობილი მოვლენების გამო გეგეჭკორის "სალხინომ” შეწყვიტა   საქართველოს ჩემპიონატში გამოსვლა.

1997 წელს  მარტვილის ფეხბურთის  ფედერაციის  პრეზიდენტის  ემილ გალდავას დიდი ძალისხმევით  ,, სალხინო” ჩაება  საქართველოს ჩემპიონატში, მწვრთნელები მიხეილ ხელაია და გალაქტიონ ჭუბაბრია.

საფეხბურთო გუნდი  ,, სალხინო” აღიზარდნენ საერთაშორისო კლასის ფეხბურთელები: თბილისის დინამოს საბჭოთა  კავშირის  ნაკრების ცენტრალური  მცველი და გუნდის კაპიტანი  მურთაზ ხურცილავა.

ქუთაისი  ტორპედოს  თავდამსხმელი საკავშირო ჩემპიონატის მრავალგზის  ბომბარდირი  დევის დარჯანია, თბილისის  დინამოს  და უცხოეთის წამყვან  კლუბებში მოთამაშე  ბადრი დანელიამოითხოვდა შემდგომ აღორძინებას.

აღორძინება კი დაიწყო მაშინ როდესაც  მარტვილის ფეხბურთს  სათავეში ჩაუდგნენ ბატონი ფრიდონ ინჯია და მისი შვილი ილია ინჯია,  ეს იყო უდიდესი საფეხბურთო შემობრუნება რაიონში, როგორც ინფრასტრუქტურის  წესრიგში  მოყვანის და ფეხბურთის განვითარების მიმართულებით.

საფეხბურთო  კლუბი ,,სალხინოს’ ბაზაზე   ბატონი ფრიდონ ინჯიას, ნუგზარ მონიავას, დაზმირვახანიას, ემილ გალდავას მიერ  დაფუძნებულ იქნა  საფეხბურთო კლუბი ,,მერანი’’  რომელმაც დაიმკვიდრა ადგილი საქართველოს ჩემპიონატის  პირველ  ლიგაში.

2007- 2008 წელი საქართველოს 1-ლი ლიგის  ჩემპიონატის მე-3 პრიზიორი.

2008-2009 წელი  საქართველოს  1-ლი ლიგის ჩემპიონატის  მე-3 პრიზიორი

2009-2010 წელი საქართველოს  1-ლი ლიგის ჩემპიონატის  მე-3 პრიზიორი

2009-2010 წელი საქართველოს დავით ყიფიანის თასის გათამაშებაში პირველად საქართველოს ფეხბურთის ისტორიაში პირველი ლიგის გუნდი მარტვილის "მერანი” გავიდა 1/2ფინალში.

2010-2011 წლის  ჩემპიონატის ლიდერი.

მარტვილის საფეხბურთო კლუბი ,,მერანი’’ რეალური კანდიდატია  საქართველოს საფეხბურთო ჩემპიონატის უმაღლეს ლიგაში დამკვიდრებისა.