20 წლის ქართველმა ნახევარმცველმა თორნიკე ოქრიაშვილმა უკრაინულ "ფუტბოლთან” საუბარში თქვა, რომ ბელგიურ "ლოკერენში", ან ჰოლანდიის ერთ-ერთ კლუბში გადასვლა შეეძლო, თუმცა უკრაინაში დარჩენა ამჯობინა. გეცოდინებათ, ოქრიაშვილი დონეცკის "შახტარის" საკუთრებაა და "ილიჩივეცშია" განათხოვრებული:
- არ გაწუხებთ ის ფაქტი, რომ "შახტარის" ძირითად გუნდში ერთხელაც არ გითამაშიათ?
- მაწუხებს. გამოდის, რომ მთავარი მწვრთნელის მოლოდინი ვერ გავამართლე. თუმცა, დრო მაქვს. გავა სამი თვე და "შახტარში" დავბრუნდები, კვლავ მომეცემა შანსი. ჩემს შესაძლებლობებს თუ დავამტკიცებ, მაშინ შესაძლოა "შახტარში" ვითამაშო. ეს ძალიან კარგი იქნება. თუ არადა, სადმე გადავალ.
ცნობისთვის, ოქრიაშვილს 12 თებერვალს 20 წელი შეუსრულდა.