ბაია ზუგდიდი                                    
 სამშაბათი,3:16 PM,2020 

ბანერი


სიახლე















საფეხბურთო კლუბი „გაგრა" ანთალიაში გასამგზავრებლად ემზადება. გუნდი გადახალისებული, გაახალგაზრდავებული შემადგენლობით მიემგზავრება თურქეთში.
ერთ-ერთი მათგანი ნიკოლოზ ჯიშკარიანია, რომელიც „გაგრაში" 2010 წლის იანვარში ჩაირიცხა და იქიდან მოყოლებული, მუდმივად ძირითადი შემადგენლობის ფეხბურთელად მოიაზრებოდა და გუნდს დიდი სარგებელიც მოუტანა.
ნიკა ჯერ მხოლოდ 21 წლისაა, მაგრამ საკმაოდ ბევრი მოასწრო – საქართველოს თასის მფლობელი გახდა „გაგრასთან" ერთად, ევროთასებზე საკმაოდ ძლიერ გუნდებთან აქვს ნათამაშევი და ამავე დროს საქართველოს ახალგაზრდული ნაკრების წევრი გახლდათ.
„გაგრას" ნახევარმცველს გორის „დილასთან" გამართული ამხანაგური შეხვედრის შემდეგ ვესაუბრეთ:
__ ნიკა, გუნდი 8 იანვარს შეიკრიბა. რამდენიმე ამხანაგური შეხვედრაც გამართეთ და სრული დატვირთით ემზადებით. როგორ შეაფასებდით მზადების პროცესს?
_ ფეხბურთელი მზადების პროცესს ვერ შეაფასებს, ეს მწვრთნელის გასაკეთებელია. ნორმალურად ვემზადებით, მწვრთნელის მითითებებს ვასრულებთ. ძირითადი აქცენტი ფიზიკურ მომზადებაზე კეთდება და იმედი მაქვს, რომ სეზონს კარგად მომზადებულები შევხვდებით.


__ გუნდმა სამი ამხანაგური შეხვედრა უკვე გამართა, აქედან ერთი წააგო „ზესტაფონთან",სადაც თქვენ გოლიც გაიტანეთ და ორიც მოიგო „სპარტაკთან" და „დილასთან". ამ შეხვედრებზე რას იტყვით?
_ ამ თამაშების მიხედვით იმაზე მსჯელობა, თუ როგორ ფორმაშია გუნდი და რისი მიღწევა შეუძლია, ნაადრევად მიმაჩნია. წინ კიდევ ერთი სერიოზული შეკრება გველის და ცხადია, აუცილებლად მოვუმატებთ. ანთალიაშიც გავმართავთ ამხანაგურ შეხვედრებს და იქ კიდევ უფრო შევთამაშდებით და დავხვეწავთ თამაშს.
__ „გაგრა" რამდენიმე ფეხბურთელმა დატოვა. გუნდში გაახალგაზრდავების პროცესი დაიწყო. თქვენ ჯერ მხოლოდ 21 წლის ხართ, მაგრამ გუნდისთვის გამოცდილ და წამყვან მოთამაშედ ითვლებით. როგორ ფიქრობთ, რამდენად შესაძლებელი იქნება „გაგრასთვის" რვა საუკეთესო გუნდში მოხვედრა?
_ მიმაჩნია, რომ დიდი დანაკლისი განვიცადეთ იმ ფეხბურთელების სახით, რომელნიც გუნდიდან წავიდნენ. მე მათ მადლობა მინდა ვუთხრა იმისთვის, რომ ჩვენთან ერთად თამაშობდნენ და ბოლომდე იხარჯებოდნენ. ყოველთვის პატივი იქნება ჩემთვის, რომ ჩემი თანაგუნდელები იყვნენ. თუმცა ესაა ფეხბურთი. ზოგი მიდის, ზოგი მოდის, მაგრამ წინსვლა არ უნდა შეაჩერო და უნდა განვითარდე. ასეა „გაგრას" შემთხვევაშიც. გუნდში რამდენიმე ახალგაზრდა, ნიჭიერი მოთამაშე ხომ იყო და იყო, მაგრამ ამავე დროს ძალიან კარგი ბიჭები მოვიდნენ, რომლებიც აუცილებლად იტყვიან თავიანთ სიტყვას ქართულ ფეხბურთში. მათ შეუძლიათ `გაგრას~ დიდი სარგებელი მოუტანონ და „გაგრა" კი ამ მოთამაშეებს ხელს შეუწყობს პროგრესირებაში, საქართველოს სხვადასხვა ასაკობრივ ნაკრებ გუნდებში მოხვედრაში, თუ რა თქმა უნდა ბევრს იშრომებენ და მოინდომებენ.


რაც შეეხება ჩემს როგორც გამოცდილ ფეხბურთელზე საუბარს, ჯერ მხოლოდ 21 წლის ვარ და გამოცდილ მოთამაშედ ჩემი ჩათვლა, ცოტა არ იყოს გადამეტებულია. ბევრი უნდა ვიმუშაო საკუთარ თავზე, რომ ჩემს გუნდს და ქართულ ფეხბურთს გამოვადგე.
რვა საუკეთესო გუნდში მოხვედრა ძალიან რთული იქნება, ვინაიდან ოთხი უმძიმესი შეხვედრის ჩატარება გვიწევს. მაგრამ დღეს არც ერთ გუნდს არ აქვს წინასწარ გარანტირებული სამი ქულა რომელიმე მეტოქესთან. „გაგრა" ბოლომდე იბრძვის, ბოლომდე თამაშობს და მოგების იმედიც აქვს.
__ როგორ ფიქრობთ, რამდენი ქულა იქნება საჭირო რვა საუკეთესო გუნდში მოსახვედრად?
_ ჩვენ მხოლოდ მაქსიმუმისთვის ვიბრძვით. საქართველოს ჩემპიონატის დონე გაიზარდა და თითოეული შეხვედრა დაძაბულია, პროგნოზირება რთული იქნება. მაგრამ თუ ყველა თამაშს მოვიგებთ, მაშინ რვა საუკეთესო გუნდში ნამდვილად მოვხვდებით. ამის გარანტიას გაძლევთ (იცინის).


__ თქვენ ურთულესი შეხვედრები ახსენეთ და რა შანსები გაქვთ იგივე „ტორპედოსთან", „ზესტაფონთან", „დინამოსთან"… თუნდაც აწ უკვე საკმაოდ გაძლიერებულ გორის `დილასთან~?
_ ყველა გუნდთან რომ შეიძლება თამაში და მოგება, ეს უკვე არაერთხელ დავამტკიცეთ. ყველა გუნდი ფავორიტად მიიჩნეოდა „გაგრასთან" წინააღმდეგ და თასის აღება მაინც მოვახერხეთ. სეზონიც კარგად დავიწყეთ, მაგრამ შემდეგ იღბალმა ზურგი გვაქცია და ბევრი ქულა დავკარგეთ. ფავორიტობა არაფერს ნიშნავს. თუ ჩვენ თამაშს ვითამაშებთ, მწვრთნელის მითითებებს შევასრულებთ, შედეგი აუცილებლად გვექნება.
თუ ვინმე ფიქრობს, რომ „გაგრა" დასუსტდა და მისი დამარცხება ადვილი იქნება, ცდება. ამას მომავალი თამაშებიც დაგვანახებს.
__ ნიკა, ანატოლი პისკოვეცის მთავარი მწვრთნელობის დროს თქვენ მთელი მარცხენა ფლანგის გაკონტროლება გიწევდათ და დიდ სამუშაოს ასრულებდით. ახალმა თავკაცმა ზვიად ჯელაძემ კი ნახევარმცველის მისია დაგაკისრათ. როგორ ფიქრობთ, რამდენად კარგად გაართვით თავი დაკისრებულ ამოცანას და თუ საიდუმლო არაა, მომავალ შეხვედრებშიც ნახევარმცველის პოზიციაზე გიხილავთ?
_ ზვიად ჯელაძემ გადაწყვიტა, რომ წინ უფრო გამოვადგებოდი გუნდს. მომავალ შეხვედრებშიც ალბათ ასე იქნება, მაგრამ სადაც მწვრთნელი მათამაშებს, მეც იქ ვითამაშებ და ბოლომდე დავიხარჯები.
__ საკმაოდ ხშირად ამწვავებთ სიტუაციას მეტოქის კართან, გოლის გატანის შანსიც არაერთხელ გექმნებათ, მაგრამ გოლის გატანას ხშირად ვერ ახერხებთ. ისიც ვიცით, რომ ვარჯიშებზე მწვრთნელი მარჯვენა ფეხით დარტყმებშიც ხშირად გავარჯიშებთ…
_ მიმაჩნია, რომ მარჯვენა ფეხით თამაში გასაუმჯობესებელი მაქვს და ვარჯიშებზე დარტყმებსაც ვხვეწ. შეტევაში თამაში მიწევს და მომენტებიც მექმნება და ვეცდები მომავალში თავი არ შევირცხვინო და „გაგრას" გოლებით მეც დავეხმარო.
__ ხშირად საუბრობდნენ იმაზე, რომ თქვენი შეძენის სურვილი რამდენიმე კლუბს ჰქონდა. „გაგრას" მეტოქე „ანორთოსისსაც" ასახელებდნენ. მაგრამ ფაქტი ერთია, თქვენ ისევ საქართველოში ხართ…
_ ზაფხულში რამდენიმე ევროპული კლუბიდან დაინტერესება ნამდვილად იყო, მათ შორის თქვენს მიერ დასახელებული „ანორთოსისიდანაც". მაგრამ შემდეგ ამ საქმიდან არაფერი გამოვიდა, მიზეზი ნამდვილად არ ვიცი. დაინტერესება ახლაცაა, მაგრამ წინასწარ რაიმეს თქმა ნამდვილად არ მინდა. თუმცა, სიმართლე გითხრათ, ახლა წასვლაზე ნამდვილად არ ვფიქრობ, „გაგრაში" ვარ, ამ გუნდის ღირსებას ვიცავ და ჩემი მოვალეობაა გუნდს წარმატების მიღწევაში დავეხმარო.


__ „გაგრა" თასის ნახევარფინალშია გასული და მეტოქედ შეიძლება „დილა", „ზესტაფონი" ან „მეტალურგი" შეხვდეს. იმის მიუხედავად, რომ „გაგრა" საქართველოს თასის მფლობელია, სამივე გუნდს თქვენთან შეხვედრა სურს… ისინი ფიქრობენ, რომ გუნდი დასუსტდა და მისი დამარცხება ადვილია…
_ ამხანაგური შეხვედრების მიხედვით მსჯელობა რთულია, მაგრამ „დილასთან" თამაშმა ბევრს დაანახა, რომ ჩვენი დამარცხება ადვილი სულაც არაა. ყველაფერს ლაპარაკი კი არა, მინდორზე თამაში წყვეტს. დაე, იფიქრონ, რომ დავსუსტდით, ეს მათი პრობლემა იქნება. ჩვენ კი გავალთ მინდორზე და ჩვენ საქმეს გავაკეთებთ.
ამ სამი გუნდიდან არასასურველ მეტოქედ მაინც `ზესტაფონს~ მივიჩნევ, ძალიან ძლიერი გუნდია, მაგრამ არც მათთან ვიქნებით უშანსოდ. ჩვენი მიზანი ევროთასებზე მოხვედრაა.
__ და ბოლოს, ესპანეთის ახალგაზრდულ ნაკრებთან შინ გამართული შეხვედრის შემდეგ, რომელიც ჩვენმა ნაკრებმა დიდი ანგარიშით წააგო, თქვენ საქართველოს ახალგაზრდულ ნაკრებში აღარ გამოჩენილხართ. რა იყო ამის მიზეზი?
_ შვეიცარიასთან პირველ შეხვედრაში გუნდთან ერთად ვიყავი, მაგრამ მწვრთნელის გადაწყვეტილებით განაცხადში ვერ მოვხვდი. ასევე იყო შემდეგ შეხვედრაზეც. უბრალოდ, წინ კიდევ არის თამაშები, იმედი მაქვს რომ მეც გამომიძახებენ და თამაშის საშუალება მომეცემა.





რეიტინგი: 0.0/0
კატეგორიაკატეგორია: |ნანახიანანახია: 1069 |ავტორიავტორი: სტუმარი | თარიღითარიღი: 2020-02-25 | კომენტარები (0)

სულ კომენტარები:: 0
1
სახელი *:
მეილი:
კოდი *:

სამართავი პანელი







ძებნა







გამოკითხვა

ზამთრის საუკეთესო ტრანსფერი


არქივი
შედეგები

სულ პასუხი:
167

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი





  
  


ბოლო თამაშები

დილა გორი  0 - 0   კოლხეთი ფოთი   
ტორპედო     2 - 1   მერანი მარტვილი 
ზესტაფონი  5 - 1     დინამო    
გაგრა           1 - 0     ვიტ ჯორჯია   
სიონი           0 - 3     დილა გორი  
ბაია             1 - 1     ტორპედო  
მეტალური   0 - 0    ზესტაფონი  
კოლხეთი ფოთი      1 - 0    სპარტაკი   
მერანი მარტვილი   2 - 1  დინამო  
მერანი მარტვილი   0 - 2 ზესტაფონი

ბომბარდირები

# Name /სახელ
Club/კლუბი
S - -
1
Djaba Dvali Djaba Dvali
FC Zestafoni
16 9 3 12
2
Xisco Xisco
Dinamo Tiflis
15 9 2 11
3
Dimitri Tatanashvili Dimitri Tatanashvili
Metallurgist Rustavi
17 8 0 8
4
Nikoloz Gelashvili Nikoloz Gelashvili
FC Zestafoni
11 7 2 9
5
Besik Chimakadze Besik Chimakadze
WIT Georgia Tiflis
18 6 3 9
S-თამაში
-- გოლები
-- ასისტი

ვიდეო

ცხრილი

სტატისტიკა

სულ ონლაინში: 1
სტუმარი: 1
მომხმარებელი: 0