ქართულ შეკრებაზე მყოფმა სომხეთის ჩემპიონმა, ერევნის "ულისესმა” კიდევ ერთი საკონტროლო მატჩი გამართა. სევადა არზუმანიანის გაწვრთნილი გუნდი ურეკში მარტვილის "მერანს” ფრედ, 1:1 ესპარინგა. მალხაზ ჟვანიას შეგირდები გიგა ბოხუამ პირველ ტაიმში დააწინაურა, თუმცა შესვენებამდე მეტოქემ გათანაბრება შეძლო და ტესტ-მატჩში მეტად აღარაფერი შეცვლილა.
"მერანმა” ეს პაექრობა ასეთი შემადგენლობით ითამაშა:
შეროზია, გიგა ჟვანია, იობაშვილი, კაკუშაძე (გეგეჭკორი, 75), სუხიაშვილი, დიდავა, მანწკავა, ელგუჯა გრიგალაშვილი (ფონიავა, 75), ტორონჯაძე (ამბროლაძე, 46), ბოხუა (ტორაძე, 60), ჩალაძე (ტაპე, 46).
გეგმის მიხედვით, სეზონის განახლებამდე მარტვილელებს 10 თებერვალს ქუთაისში აქვთ სათამაშო ადგილობრივ "ტორპედოსთან”. თუმცა, როგორც მალხაზ ჟვანიამ "მსოფლიო სპორტს” უთხრა, ის ფეხბურთელები, რომლებსაც სომხებთან თამაში არ მოუწიათ, ოთხშაბათს სამტრედიას ეწვევიან და იქაურ პირველლიგურ გუნდს ესპარინგებიან.