"ზესტაფონმა” მარბელას თასის მატჩში რუსული პრემიერლიგის "კრილიასთან” პენალტებში იმარჯვა – ძირითადი 90 წუთი 2:2 დასრულდა, პენალტების სერიაში კი 4:2. აღსანიშნავია, რომ რუსები პირველი ტაიმის შემდეგ ორი ბურთით იგებდნენ, თუმცა 67-ე წუთზე, რატი წინამძღვრიშვილმა გაქვითა ბურთი, ხოლო ბოლო წუთზე ახალგაზრდა მალხაზ გაგოშიძემ გაათანაბრა.
იმერელთა მეკარე როინ კვასხვაძემ ორი პენალტი მოიგერია (ტარანოვი და გრიგორიანი გაამწარა), ხოლო ქართველებმა ყველა დარტყმა ზუსტად შეასრულეს.
"კრილია” _ "ზესტაფონი” 2:2 (პენ. 2:4)
"ზესტაფონი”: კვასხვაძე, ღონღაძე, მამუკა კობახიძე, საჯაია (გიორგი ონიანი 46), ელიავა (გაგოშიძე 72), გორგიაშვილი, შოთა გრიგალაშვილი (სამუშია 41), მენთეშაშვილი (მუჯირი 46), რაჟამაშვილი, სამუშია (თორნიკე გრიგალაშვილი 46), წინამძღვრიშვილი.
გოლები: 1:0 ტარანოვი (30), 2:0 აპაევი (36), 1:2 წინამძღვრიშვილი (67), 2:2 გაგოშიძე (90).
პენალტები: 0:0 ტარანოვი (მეკარე), 0:1 მუჯირი, 1:1 ვორობიოვი, 1:2 წინამძღვრიშვილი, 1:2 გრიგორიანი (მეკარე), 1:3 გორგიაშვილი, 2:3 პრიომოვი (მეკარე), 2:4 შარიქაძე (2:4).
დავით მუჯირი 2005-2008 წლებში "კრილიას” ლიდერი გახლდათ და აი, ყოფილ გუნდთან პენალტების სერიაში თავისი შანსი კარგად გამოიყენა.  როინ კვასხვაძემ ორი პენალტი მოიგერია
ერთიც: აბაიომი ოვონიკოკო, გიორგი ხიდეშელი და გოგა ბერაია ინდივიდუალურად ვარჯიშობენ. მათ გარდა, "ზესტაფონს” რუსებთან მატჩში დააკლდნენ თორნიკე აფციაური, ჯაბა დვალი, ალექსი ბენაშვილი და შოთა ბაბუნაშვილი – ტრავმა აქვთ. ეს კლუბის საიტის ინფორმაციით.    

"კრილია სოვეტოვთან" გამარჯვებით "ზესტაფონმა" ესპანური შეკრება დაასრულა.