თურქული შეკრების რიგით მე-3 სპარინგ-მატჩი გამართა ფოთის "კოლხეთმა”.
ზღვისპირელთა პრესატაშე გია ეჯიბიას თქმით, დავით მახარაძის გაწვრთნილებმა,
რუსეთის პირველი დივიზიონის ბინადარ კრასნოიარსკის "ენისეისთან”
(რეგულარული სეზონის შემდეგ იგი 20-გუნდიან გათამაშებაში მე-10 ადგილზე
გავიდა) 1:2 წააგეს.
ანგარიში ქართველებმა 67-ე წუთზე გახსნეს. გოლი ლაშა ქებაძის ანგარიშზეა.
მეტოქემ 75-ე წუთზე გაათანაბრა, ხოლო 83-ეზე მსაჯის მიერ დანიშნული პენალტი
გოლად გარდასახა.
დავით მახარაძემ "კოლხეთი” ასეთი შემადგენლობით ათამაშა: ნადირაშვილი,
ფოფხაძე (კილასონია, 60), ხატიაშვილი (ცხვიტარია, 46), ლომაშვილი, გაბუნია
(კაკულია, 65), ცხადაია (ქებაძე, 46), დათუნაიშვილი (წურწუმია, 10 (გულუა,
65)), გვალია, სიჭინავა (გოგონაია, 46), პავლიაშვილი (წაბრია, 55), ტუღუში
(ციცხვაია, 46).
ალანიაში ფოთელებმა კიდევ ერთი სპარინგი უნდა ითამაშონ. 8 თებერვალს
ქართველები ბულგარეთის უმაღლესი ლიგის მე-5 ადგილოსან სოფიას ”სლავიას”
დაუპირისპირდებიან.
ფრიდონ კერვალიშვილი