გაგრა - ბიტოვი (პოლონეთი) 1:2
გოლები: 0:1 გვიანდოვსკი 15 0-1,0:2 პიეტრშიკი 58 0-2, 1:2 ჭკუასელი 88 1-2.
გაგრა: ბეგაშვილი, ხუციძე, ტყეშელაშვილი, ჯგერენაია, ფალავანდიშვილი, სეთურიძე, ხოჯაშვილი, ზვიადაძე, ჯიშკარიანი, ჭკუასელი, კვანტალიანი.
შეცვლაზე შევიდნენ: კობერიძე, ყიფიანი, როსტიაშვილი, სარდალიშვილი.

სამწუხაროდ, კიდევ ერთი შეხვედრა დათმო გაგრამ. არადა, უამრავი საგოლე მომენტი ვერ გამოვიყენეთ. დიდი ანგარიშით უნდა მოგვეგო, მაგრამ საბოლოოდ დავმარცხდით. მაგრამ ფეხბურთში მსგავსი რამ ხდება, უიღბლობა თან გვდევს, მაგრამ იმედი გვაქვს, რომ ჩემპიონატში ასეთი რამ აღარ განმეორდება.

პირველი საგოლე მომენტი ამ შეხვედრაში შალვა კვანტალიანს შეექმნა, მაგრამ პირისპირ გასულმა კარში დარტყმა ვერ მოახერხა. რამდენიმე წუთში კი გოლიც გაგვიტანეს. ამის შემდეგაც მთლიანი სათამაშო უპირატესობა გვქონდა, მაგრამ ხუციძემ, ჭკუასელმა, როსტიაშვილმა, ყიფიანმა ვერ გაიტანეს. შეტევაში ჩართულებს მეტოქის კონტრშეტევა გამოეპარათ და პიეტრშიკმა ძლიერი დარტყმით მეორედ აიღო ჩვენი კარი.
შეიძლება ითქვას, რომ შეხვედრის სუპერ-მომენტი გიორგი ზვიადაძემ შექმნა, რომელმაც 5 მეტოქე მოატყუა, კარშიც დაარტყა, მაგრამ ბურთი ძელს მოხვდა.
პრესტიჟის გოლი ნიკა ჭკუასელის ანგარიშზეა, რომელიც მეკარესთან ერთი-ერთზე დარჩა და ადვილად გაიტანა.