დღეს, თბილისის დროით 11 საათზე, საფეხბურთო კლუბმა გაგრამ პირველი შეხვედრა გამართა ყარაღანდის შახტიორთან.
სამწუხაროდ, კიდევ ერთი შეხვედრა დავთმეთ, თუმცა ვიგებდით და წასაგები შეხვედრაც ნამდვილად არ ყოფილა.
აუცილებლად უნდა აღინიშნოს ისიც, რომ ყარაღანდელები ძალზედ უხეშობდნენ. ტრავმა მიაყენეს გიორგი ერისთავს, რომელიც დღეს იუბილარია. რამდენად სერიოზულია მისთვის ეს ტრავმა დღეს საღამოს გახდება ცნობილი. სერიოზულ ტრავმას გადაურჩა მიშიკო სარდალიშვილი, მეტოქის მცველი უკნიდან გაშლილი ფეხით წავიდა მასზე და რომ არ მოესწრო ფეხის ოდნავ აწევა, ალბათ მისთვის ეს თამაში სულ სხვაგვარად დასრულდებოდა.
რაც შეეხება გატანილ გოლებს, ანგარიში გაგრამ გახსნა. კუთხურიდან ჩაწოდებული ბურთი ნიკა ნარმანიას მიუვიდა, რომელიც არეულობაში დროულად გაერკვა საქმის ვითარებაში და გაიტანა. ეს შეხვედრის მეხუთე წუთზე მოხდა, თუმცა ზუსტად ხუთი წუთის შემდეგ, ანგარიში გათანაბრდა. ყარაღანდელებმაც კუთხურიდან იხეირეს, ჩამოწოდებული უხეიროდ მოიგერია მაღრაძემ, ბურთი პირდაპირ მეტოქეს მიუვიდა, რომელმაც საჯარიმოს ხაზიდან დაარტყა, მაღრაძემ კი მოიგერია, მაგრამ ბურთი მაინც კარში აღმოჩნდა – 1:1.
მეორე ტაიმში ორივე გუნდს ჰქონდა გოლის გატანის არაერთი შანსი, მაგრამ ჩვენი ფეხბურთელები დასკვნით მომენტში არაზუსტად თამაშობდნენ. Gარდა ამისა, მაღრაძემ რამდენიმე რთული დარტყმა მოიგერია, თუმცა 70-ე წუთზე დანიშნული ჯარიმა მეტოქემ უნაკლოდ შეასრულა და ყარაღანდელები დაწინაურდნენ. არადა მანამდე, ზუსტად წუთით ადრე ჩვენებს შეეძლოთ გატანა, მაგრამ მეკარესთან ერთ-ერთზე დარჩენილმა დეკანოიძემ ვერ შეაგდო. მე-80 წუთზე კი კიკნაველიძემ შეტევის მარჯვენა ფრთიდან საჯარიმო ჩინებულად შეასრულა, ბურთი კარგად მოჭრა და მეკარე სახტად დატოვა _ 2:2.
ორივე გუნდი მოსაგებად იბრძოდა და ცხადი იყო, ერთი გოლი გადაწყვეტდა მატჩის ბედს. სამწუხაროდ, ის გოლი ჩვენს კარში გავიდა – მეკარესთან ერთი-ერთზე დარჩენილმა შახტიორელმა თავის გუნდს მოაგებინა.
მეორე შეხვედრა თბილისის დროით 18.00 საათზე დაიწყება.
3 თებერვალი. სიდე.
გაგრა _ შახტიორი 2:3 (1:1)
გოლები: 1-0 ნარმანია 5 1-0 GOAL, 1:1 10 1-1 GOAL, 1:2 70 1-2 GOAL, 2:2 კიკნაველიძე 2-2 GOAL, 2:3 85 2-3 GOAL.
გაგრა: მაღრაძე, ფალავანდიშვილი, ნარმანია, ნადირაძე, კობერიძე, კიკნაველიძე, ყურულაშვილი, ჯალიაშვილი, სარდალიშვილი, ერისთავი, როსტიაშვილი.
სათადარიგო: ბეგაშვილი, ჟიშკარიანი, დეკანოიძე, ყიფიანი.