21 იანვარს ქუთაისის "ტორპედო" მზადების ახალ ეტაპს ანტალიაში შეუდგება. ცნობილია ის მეტოქეები, რომლებიც ჩვენს გუნდთან ამხანაგურ მატჩებს გამართავენ.

   პირველ თამაშს ქუთათურები 26 იანვარს უკრაინის 16-გუნდიან პრემიერ ლიგაში მოასპარეზე მერვეადგილოსან დონეცკის "მეტალურგთან" გამართავენ.

   შემდეგ, 28 იანვარს თამაშს პოლონეთის ჩემპიონატში, უმაღლესი ლიგის ცხრილის მე-8 ადგილზე მყოფ "კორონასთან" ჩაატარებენ.

   1 თებერვალს "ტორპედოს" სპარინგმეტოქე ჩეხეთის უმაღლესი ლიგის ბინადარი(მე-14 ადგილოსანი) ოსტრავის "ბანიკი" იქნება.

   მორიგი საკონტროლო შეხვედრა 3 თებერვალს შედგება, თუ ვინ იქნება ამ დღეს ჩვენი მეტოქე, ეს, ჯერ კიდევ დაზუსტების პროცესშია.

   უცხოეთში გამგზავრებამდე "ტორპედო" გეგმით ორ ამხანაგურ მატჩს გამართავს. უახლოესი მეტოქე მარტვილის "მერანი" იქნება, რომელსაც 15 იანვარს "ტორპედოს" საწვრთნელ ბაზაზე ვეთამაშებით. 18 იანვარს კი, გია გეგუჩაძის თავკაცობით ქუთათურები ფოთის "კოლხეთს" დაუპირისპირდებიან.