დასახული გეგმის მიხედვით 8 იანვარს გუნდი სრული შემადგენლობით შეუდგა ვარჯიშს, პირველი დღეების განმავლობაში აქცენტი უპირატესად დაეთმობა ფიზიკურ დატვირთვებს.

რაც შეეხება გუნდში განხორციელებულ ცვლილებებს, ორმხრივი შეთანხმების საფუძველზე კონტრაქტი შეუწყდათ და გუნდიდან განთავისუფლებულები არიან: გიორგი ხუმარაშვილი, ირაკლი სიხარულიძე და გიორგი ოთარიშვილი. ეს ფეხბურთელები კიდევ სხვა 6 ფეხბურთელთან ერთად (გიორგი გეთიაშვილი, ირაკლი ხუჭუა, გიორგი ვაშაკიძე, ვახტანგ ჯაყელი, ნოდარ სვანაძე, ლევან კუხალეიშვილი), ჩვენს გუნდს შეუერთდნენ მიმდინარე სეზონის დაწყების წინ, მაგრამ სამწუხაროდ ვერ მოხდა გუნდში მათი სრული ადაფტირება, აქედან გამომდინარე მიღებულ იქნა ზემოთ აღნიშნული გადაწყვეტილება.

კლუბის ხელმძღვანელობისა და მწვრთნელების სახელით მადლობას ვუხდით: გიორგი ხუმარაშვილს, ირაკლი სიხარულიძეს და გიორგი ოთარიშვილს თანამშრომლობისათვის და ვუსურვებთ წარმატებას სპორტულ და პირად ცხოვრებაში.

დღეისათვის ვიტ ჯორჯიას პირველ შემადგენლობაში, ჩემპიონატის მეორე ეტაპისთვის ემზადება 28 ფეხბურთელი.