ბანერი

სიახლე

”ტორპედო” ანთალიაში ვარჯიშს შეუდგა(+ფოტომასალა)

ქუთაისიდან ტრაბზონამდე, უამინდობის გამო დამღლელი 10-საათიანი მგზავრობის შემდეგ, ჩვენი გუნდი დანიშნულების ადგილას თვითმფრინავით გაემგზავრა. ამის მიუხედავად, ”ტორპედო” სასტუმროში დროულად განთავსდა და როგორც თურქეთში მყოფმა კლუბის პრესსამსახურის უფროსმა რამაზ ჩხიკვაძემ შეგვატყობინა, 21 იანვრის საღამოს 7-ის ნახევარზე პირველ ვარჯიშს შეუდგა.
   ფეხბურთელთაგან ყველანი ჯანზე არიან და მწვრთნელთა დავალებებს პირნათლად ასრულებენ. დღეს დილით, ადგილობრივი დროით 11-ის ნახევარზე (თურქეთთან სხვაობა 2 საათს შეადგენს), 25-ვე ფეხბურთელი ფიზმომზადების მწვრთნელის ივო კატუშიჩის განკარგულებაში იყო. ტორპედოელებმა სპორტკომპლექს ”მარდანის” ფიტნესის დარბაზში ივარჯიშეს. დღეს 16 საათზე კი გუნდი მეორედ, უკვე მინდორზე ივარჯიშებს.
   ცვლილებაა ანთალიურ შეკრებაზე ჩვენი გუნდის პირველი საკონტროლო მატჩის მეტოქის მხრივ. როგორც გავიგეთ, უნგრული ”ფერენცვაროში” თურქეთში ჩვენთვის მისაღებ ვადებში არ ჩამოდის, ამიტომ შეკრების ორგანიზატორებმა რუმინული ”ბრაშოვი” შემოგვთავაზეს. ამრიგად, 25 იანვარს გია გეგუჩაძის გაწვრთნილებს, თურქული დროით 15 საათსა და 30 წუთიდან რუმინეთის ჩემპიონატში მე-12 ადგილზე მყოფი ”ბრაშოვი” დაუპირისპირდება.
   ცნობილია, რომ სპორტკომპლექს ”მარდანში”, ”ტორპედოს” გარდა კიევის ”არსენალი”, მოსკოვის ცსკას ახალგაზრდული გუნდი, ბაქოს ”ნეფტჩი” და ზაქათალის ”სიმურგია” დაბინავებული. ჩვენს მთავარ მწვრთნელს ”სიმურგის” ხელმძღვანელმა სერგეი იურანმა, ამხანაგური მატჩის გამართვა შეთავაზა. ამჯერად განიხილება ზაქათალელებთან თამაშის 2 ვარიანტი - 25 იანვრის დილით, ან 26 იანვარს. ორივე შემთხვევაში, ტორპედოელთა ღირსებას ისინი დაიცავენ, ვისაც გია გეგუჩაძე ”ბრაშოვთან” არ ათამაშებს.
   ასევე მიდის მოლაპარაკებები ”ტორპედოს” საკონტროლო შეხვედრების განრიგში თავისუფალი 3 თებერვლის შესავსებად. ჩვენ გუნდთან თამაშის სურვილი გამოუთქვამს ვლადივოსტოკის ”ლუჩ-ენერგიას”. ეს გუნდი რუსეთის პირველ დივიზიონში ასპარეზობს, ამიტომ მეტოქის წარმომადგენლებმა უარი მიიღეს - გეგუჩაძის სურვილია, რომ შეკრება ”ტორპედომ” უფრო ძლიერ გუნდთან თამაშით დაასრულოს.
   შეგახსენებთ იმასაც, რომ 25-ის გარდა, თურქეთში ჩვენი გუნდი 28 იანვარს პოლონეთის ”კორონას”, ხოლო 1 თებერვალს სლოვაკეთის ”ბანიკს” ეთამაშება.

რეიტინგი: 0.0/0

კატეგორია: |

ნანახია: 1087 |

ავტორი: სტუმარი |

თარიღი: 2024-04-20 |

კომენტარები (0)

სულ კომენტარები:: 0

სამართავი პანელი

ძებნა

გამოკითხვა

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი

ბოლო თამაშები

დილა გორი 0 - 0 კოლხეთი ფოთი
ტორპედო 2 - 1   მერანი მარტვილი
ზესტაფონი 5 - 1     დინამო
გაგრა           1 - 0     ვიტ ჯორჯია
სიონი           0 - 3     დილა გორი
ბაია     1 - 1     ტორპედო
მეტალური   0 - 0    ზესტაფონი
კოლხეთი ფოთი      1 - 0    სპარტაკი
მერანი მარტვილი   2 - 1 დინამო
მერანი მარტვილი   0 - 2 ზესტაფონი