ბანერი

სიახლე

ანთალიური შეკრების რიგით მეოთხე საკონტროლო მატჩი, რომელშიც "ტორპედო” ჩეხეთის "ბანიკს” საფეხბურთო ცენტრ "ტოპ კაპეს” ერთ-ერთ მინდორზე დაუპირისპირდა, ძლიერი ქარის თანხლებით წარიმართა. ბუნებამ ორივე გუნდის თამაშში შეიტანა კორექტივები. შესაბამისად მეტოქეები დაბალი ტრაექტორიის გადაცემებით ცდილობდნენ ფონს გასვლას.
   "ტორპედომ” თავიდანვე შემტევ, აგრესიულ სტილზე ააწყო თამაში და პირველ წუთებში რამდენიმე სახიფათო მომენტი შექმნა. მე-3 წუთზე დათუნაიშვილი-საბანაძის კომბინაცია ამ უკანასკნელის უზუსტო დარტყმით დასრულდა. აქედან ათიოდე წუთში ქუთათურებმა გოლიც გაიტანეს, მაგრამ არბიტრმა კარში დამრტყმელზე თამაშგარე დააფიქსირა და ამიტომ არ ჩათვალა საკმაოდ ლამაზ სტილში გატანილი გოლი. ყველაფერი კი მარცხენა ფლანგიდან გიორგი დათუნაიშვილმა წამოიწყო, რომელმაც თორნიკე თარხნიშვილს გააგრძელებინა სწრაფი შეტევა, მან კი საჯარიმოში გრიგოლ დოლიძე მოძებნა. დოლიძემ ეფექტური დარტყმით აიღო "ბანიკის” კარი, მაგრამ როგორც ვთქვით - გოლი არ ჩაითვალა.
   მე-20 წუთზე "ტორპედომ” კიდევ ერთი ხიფათი შექმნა მეტოქის საჯარიმოში, მაგრამ გოლი ვერც ამჯერად გავიტანეთ. თარხნიშვილის მწვავე გადაცემით საბანაძე აღმოჩნდა ხელსაყრელ სიტუაციაში. ნიკა მცველს ასცდა და კარში დასარტყმელად რომ ემზადებოდა, კიპერმა ფეხებით ააცალა ბურთი.
   ტაიმის ბოლომდე, სხვა მეტი საინტერესო არც ერთ კართან არ მომხდარა. იმის გათვალისწინებით, რომ ქარი უფრო ჩვენი მეტოქის შეტევათა მიმართულებით ჰქროდა, "ტორპედოს” ურიგოდ არ უთამაშია.
   ქართველებმა მეორე ტაიმი ისე დაიწყეს, გია გეგუჩაძეს ჯერ ცვლილება არ განუხორციელებია. პირველსავე წუთზე ოსტრაველები დაემუქრნენ კაპიტნის სამკლავურით მოთამაშე ომარ მიგინეიშვილის კარს. ჩვენს კიპერს გამოცდის მოწყობა ჩეხმა კოლეგამ მარტინ ლუკეშმა დაუპირა, მაგრამ 33 წლის ნახევარმცველს ბურთი ფეხზე აეჭრა და "ტორპედოს” კარის ჩარჩოს დიდი მანძილით ასცდა.
   მეტოქე კვლავ განაგრძობდა ჩვენ კარის მისადგომების "ოკუპაციას”. რამდენიმეჯერ მიგინეიშვილს მოუწია ხიფათის თავიდან აცილება. ერთ-ერთი ასეთი შეტევისას, "ტორპედოს” ვიცე-კაპიტანმა "ბანიკის” ყველაზე "ბევრისმნახველ” ფორვარდ, 28 წლის ვაცლავ სვერკოშთან (გერმანიის ბუნდესლიგურ "მიონხენგლადბახსა” და "ჰერტაში”, ვენის "აუსტრიაში”, ფრანგულ "სოშოსა” და ბერძნულ "პანიონიოსში” უთამაშია, ჩეხეთის ნაკრებში კი 11 მატჩი 3 გოლი აქვს გატანილი) საჰაერო ორთაბრძოლაში ტრავმა მიიღო და 61-ე წუთზე მაქსიმე ქვილითაიათი შეცვალეს.
   ვიდრე გია გეგუჩაძე პირველ შეცვლებს განახორციელებდა, გრიგოლ დოლიძეს ერთმანეთის მიყოლებით 53-ე და 55-ე წუთებზე მიეცა ჩეხთა კარის დარაჯის დამწუხრების საშუალება, მაგრამ მეტოქის პოლონელი კიპერი დავიდ პიეტრზკევიჩი ორივეჯერ ადგილზე დაუხვდა ჩვენი ფლანგელის დარტყმულს.
   62-ე წუთზე "ბანიკის” კართან საკმაოდ სახიფათო მომენტი შეიქმნა. საჯარიმოში შესული საბანაძის მიერ ძლიერად დარტყმული ბურთი მცველს მოხვდა და უმეთვალყურეოდ დარჩენილ რევაზ გოცირიძეს მიუვიდა. ამ უკანასკნელმა პრაქტიკულად ცარიელ კარში დაარტყა, მაგრამ ბურთი კარში ჩამდგარ მცველს გაარტყა.
   68-ე წუთზე "ტორპედო” ქვილითაიამ იხსნა აშკარა გოლს. კუთხურიდან ჩამოწოდებულ ბურთს თავს "ბანიკის” კაპიტანი ლუკეში ურტყამდა და "მაქსის” საკუთარი ოსტატობის გამოვლენა მოუწია ხიფათის თავიდან ასაცილებლად.
   81-ე წუთზე, საბანაძის შემცვლელი ლაშა კემუხტაშვილი იყო გოლის ავტორობასთან ახლოს, რომლისგან მეტოქის საჯარიმოს მარჯვენა კუთხიდან ძლიერად დარტყმული ბურთი, მეკარისაგან მარჯვენა დაბალ კუთხეში მოხვდა ძელს და ისე დატოვა მინდორი.
   მატჩის ბოლომდე გუნდებს მეტოქეებს აღსანიშნავი მომენტი აღარ შეუქმნიათ. ამრიგად, ანგარიში არც ამ საკონტროლო შეხვედრაში გახსნილა - 0:0.
   "ტორპედომ” "ბანიკთან” სპარინგი ასეთი შემადგენლობით გამართა:
   ომარ მიგინეიშვილი (მაქსიმე ქვილითაია 61), გივი იოსელიანი (დათა რიგვავა 58), ალექსანდრე კვახაძე (ბაქარ მირცხულავა 71), გიორგი გურული (თემურ ფარულავა 58), გიორგი ლემონჯავა (ლაშა შერგელაშვილი 65), გრიგოლ დოლიძე (გიორგი ქუცურუა 58), ნიკა ფირცხალავა (გიორგი კუხიანიძე 65), გიორგი დათუნაიშვილი (ვალერი ბოლქვაძე 65), თორნიკე თარხნიშვილი (დავით ჯანელიძე 65), ნიკა საბანაძე (ლაშა კემუხტაშვილი 71), რევაზ გოცირიძე (გიორგი რეხვიაშვილი 65).
   ჩვენი გუნდი თურქულ შეკრებაზე ბოლო საკონტროლო მატჩს 3 თებერვალს გამართავს. "ტორპედოს” მეტოქე, უკრაინის პრემიერლიგაში (ამ ქვეყნის უმაღლეს ლიგაში სულ 16 გუნდი თამაშობს) ბოლოსწინა, XV ადგილზე მყოფი ლუგანსკის "ზორია” იქნება. ეს ორთაბრძოლა საქართველოს დროით 18 საათზე დაიწყება

http://fctorpedo.ge/

რეიტინგი: 0.0/0

კატეგორია: |

ნანახია: 1282 |

ავტორი: სტუმარი |

თარიღი: 2024-04-20 |

კომენტარები (0)

სულ კომენტარები:: 0

სამართავი პანელი

ძებნა

გამოკითხვა

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი

ბოლო თამაშები

დილა გორი 0 - 0 კოლხეთი ფოთი
ტორპედო 2 - 1   მერანი მარტვილი
ზესტაფონი 5 - 1     დინამო
გაგრა           1 - 0     ვიტ ჯორჯია
სიონი           0 - 3     დილა გორი
ბაია     1 - 1     ტორპედო
მეტალური   0 - 0    ზესტაფონი
კოლხეთი ფოთი      1 - 0    სპარტაკი
მერანი მარტვილი   2 - 1 დინამო
მერანი მარტვილი   0 - 2 ზესტაფონი