დღეს, ქართულმა კლუბმა უკანასკნელი შეხვედრა ჩაატარა ესპანეთის ქალაქ ბარსელონაში. მეტოქე კი ესპანეთის მესამე დივიზიონის გუნდი "ტერასა" გახლდათ. შეხვედრა მეტად უხვგოლიანი და დრამატული აღმოჩნდა, რაც ანგარიშზეც მეტყველებს, 5:3.

პირველი გოლი მე–15 წუთზე გავიდა, როდესაც სანდრო გურულმა თავისი სადებიუტო გოლი გაიტანა "დინამოს" მაისურით. 34–ე წუთზე კი ირაკლი ძარიამ გაიტანა თავისი პირველი გოლი და ორამდე გაზარდა ანგარიში, 2:0. ტაიმის მიწურულს "ტერასას" ფეხბურთელებმა შესძლეს ანგარიშის შემცირება და ანგარიშ 2:1 გახდა.

მეორე ტაიმში კი 5 ბურთი გავიდა. 61–ე წუთზე ესპანელებმა წონასწორობა აღადგინეს, დაახლოებით ერთ წუთში კი ალბერტ იაგუემ საკუთარი გუნდი წინ გაიყვანა, 3:2. 68–ე წუთზე იაგუემ დუბლი გაიფორმა 4:2, 76–ე წუთზე "ტერასა" ფეხბურთელის წაქცევის გამო ჩვენს კარში თერთმეტმეტრიანი დაინიშნა და ესპანელებმა ზუსტად შეასრულეს ამოცანა 4:3. საბოლოო ანგარიში კი გიორგი კახელიშვილმა დააფიქსა, 5:3.

ამის შემდეგ კი დინამოელები მალაგაში გაემგზავრებიან, სადაც Impact Cup–ზე მიიღებს მონაწილეობას, "დინამოს" პირველი მეტოქე პოლონური კრაკოვია იქნება, მატჩი კი 23 იანვარს 19 საათზე დაიწყება.