წელს, ტოეპედომ "მერანს" მეორე ამხანაგურ მატჩში უმასპინძლა, 15 იანვარს ქუთათურებმა მეტოქეს 2 უპასუხო გოლით მოუგეს, ხოლო რაც შეეხება დღევანდელ შეხვედრას, მასში სტუმრებმა ირევანშეს.

გია გეგუჩაძემ "სასტარტოში" სხვა ფებურთელებთან ერთად "ტორპედოს" კიდევ ერთი ახალწვეული გიორგი ფეიქრიშვილი დააყენა, რომელიც უკვე ჩვენი გუნდის საკუთრებაა(ახალწვეულზე დაწვრილებით ცნობებს მომდევნო სიახლეში შემოგთავაზებთ).

„ტორპედოს" ბაზაზე მატჩის საცქერლად მისულმა 150-მდე გულშემატკივარმა მოიყარა თავი, რომლებიც გაუჩერებელი თოვის მიუხედავად სპარინგს ბოლომდე დაესწრნენ.

თამაში ტორპედოელებმა სწრაფ ტემპში დაიწყეს და დებიუტშივე დაეუფლნენ სათამაშო უპირატესობას.

„მერანი" საწყის წუთებში, ძირითადად კარის დაცვით იყო დაკავებული, თუმცა საგოლე იერიშისთვისაც „მოიცალა". მე-5 წუთზე ელგუჯა გრიგალაშვილის 35 მეტრიანი გადაცემით ბურთი უმეთვალყურეოდ დარჩენილმა გიგა ბოხუამ მიიღო, თავდამსხმელმა მიგინეიშვილიც იოლად მოატყუა და ცარიელ კარშიც მშვიდად გაიტანა - 0:1.

„ტორპედომ" კვლავ განაგრძო მეტოქეზე ზეწოლა და რამდენიმე სახიფათო შეტევაც განახორციელა, მაგრამ გადამწყვეტ ფაზაში უმეტესად ბურთი კარს ცდებოდა. მწვავე იყო მარტვილელთა კონტრშეტევებიც, მიგინეიშვილს სამჯერ საკუთარი ოსტატობის გამოვლენა მოუხდა.

მეორე ტაიმიდან „ტორპედოს" შემადგენლობაში 7 ცვლილება მოხდა.

65-ე წუთზე სტუმრებმა სხვაობა დამაჯერებელი გახადეს - ტორპედოელთა დაცვის „ჩავარდნით" ქვილითაიას ახლო მანძილიდან კარის მარჯვენა კუთხეში მუნინი ტაპემ გაუტანა - 0:2.

მალევე ტორპედოელებმა სხვაობა მინიმუმამდე შეამცირეს. 68-ე წუთზე თარხნიშვილის მიერ კუთხურიდან ჩაწოდებული ბურთი თემურ ფარულავამ განმეორებითი(პირველად მერანელმა მცველმა მოიგერია) თავური დარტყმით გადაგზავნა მერანელთა კარში - 1:2.

დარჩენილ დროში ჩვენი გუნდის ფეხბურთელები კიდევ ბევრჯერ იყვნენ ახლოს მიზანთან, მაგრამ ანგარიში უცვლელი დარჩა. 2:1 „მერანის" სასარგებლოდ.

მატჩის ფოტოგალერეა

http://fctorpedo.ge/