ბაია ზუგდიდი                                    
 ხუთშაბათი,7:57 PM,2017 

ბანერი


სიახლე















მოგეხსენებათ, შარშან შემოდგომაზე "დილას" სტადიონის განახლება დაიწყო: დაანგრიეს სტადიონის დასავლეთ ტრიბუნა, მოძველებული გასახდელებითა და არქაული პრესლოჟით, რომელსაც პრესლოჟა არც ეთქმოდა.

საძირკველი გათხრილია და დაწყებულია ახალი ტრიბუნების მშენებლობა, სადაც განთავსდება დაახლოებით 2500-მდე ინდივიდუალური სკამი, უფრო კომფორტული და დიდი გასახდელები, საშხაპეები, მსაჯთა და დელეგატთა ოთახები, საპატიო სტუმართა ლოჟა, საპრესკონფერენციო დარბაზი და სხვა.

დაგეგმილია გარკვეული სამუშაოები სტადიონის აღმოსავლეთ და ჩრდილოეთ ტრიბუნებზეც. დეკემბერში კი დააგეს საფარი, რომელიც უკვე ჩაიბარეს და საერთო აზრით, საქართველოში ერთ-ერთი საუკეთესოა.

თუმცა ბუნება მრძანებელია...

"ცხადია, ამინდის გაუარესებამ, დიდთოვლობამ და სიცივეებმა მშენებლობაზე გავლენა მოახდინა. გორის საფეხბურთო სკოლაში "დილასთვის" მეორე სავარჯიშო მოედანი იგება, რომელიც ხელოვნურსაფრიანი იქნება. თითქმის ყველა საჭირო სამუშაო დასრულებულია, მაგრამ თავად ხალიჩის დაგება ფერხდება, რადგან საამისოდ მუშაობა მინიმუმ +15 გრადუსზე უნდა წარიმართოს, სხვაგვარად, საჭირო ხარისხის ვერ იქნება.

სხვათა შორის, საფეხბურთო სკოლის სტადიონზე 500 ინდივიდუალური სკამი დამონტაჟდება და საჭირო შემთხვევაში ამხანაგურ შეხვედრებსაც ჩავატარებთ. ვფიქრობ, "დილას" საქართველოში ერთ-ერთი საუკეთესო დამხმარე სტადიონი ექნება.

რაც შეეხება ცენტრალურ სტადიონს: მოედანი დაგებულია და ახლა თოვლი ადევს. ეს ცუდი არ არის, მთავარია, დროულად დადნეს, ბალახმა ხასხასა მწვანე ფერი რომ არ დაკარგოს. ტრიბუნების დასაგებად სამუშაოები სრული ტემპით მიმდინარეობდა, რადგან ბეტონის ჩასხმა -5 გრადუსზეც შეიძლებოდა. საძირკვლის ნახევარი ჩაყრილია, მაგრამ ამ დღეებში გორში საშინელი სიცივეებია - ტემპერატურა -12-15 გრადუსამდე დაეცა და მუშაობა შეფერხდა. თუმცა სხვა სამუშაოები სწრაფად მიმდინარეობს და იმედია, აპრილის ბოლომდე დასრულდება", - ამბობს კლუბის პრეზიდენტი ზურაბ დალაქიშვილი.

რადგან გორის არენის განახლება აპრილში დასრულდება, პირველ შეხვედრებს გუნდი "თენგიზ ბურჯანაძეზე" ვერ ჩაატარებს. მაგრამ, სად მიიღებს სტუმრებს "დილა", ამის თაობაზე ზუსტი პასუხი უცნობი იყო.

შევიტყვეთ, რომ საგაზაფხულო ეტაპიდან სტადიონების მიმართ მოთხოვნები გამკაცრდება, ფეხბურთის ფედერაციამ კი, შესაძლოა, "მერანს"- მარტვილში, "დილას" - გორის "ქართლზე", "ბაიას" კი საკუთარ ბაზაზე თამაში აუკრძალოს.

"თუ თოვლმა და ყინვამ ხელი არ შეგვიშალა, ალბათ, 15 თებერვალს რუსთავის "მეტალურგს" თბილისში, "მიხეილ მესხზე" ვუმასპინძლებთ. "ქართლზე" თამაში კი გამორიცხულია. მართალია, ურიგო მოედანი არ არის, მაგრამ გუნდი გაძლიერდა, სხვა მოთხოვნები აქვს და უმაღლესი ლიგის მატჩების სამასპინძლოდ საკმარისი პირობები, კეთილმოწყობილი გასახდელები, საშხაპეები, მსაჯთა და დელეგატთა ოთახები არ არის. შესაძლოა, სტადიონი მოეწყოს და იქ დუბლები მოვამზადოთ", - ამბობს დალაქიშვილი.

ცხადია, ყველამ იცის, რომ "დილას" პატრონობა შინაგან საქმეთა სამინისტრომ და დაცვის პოლიციამ გადაწყვიტეს. მაგრამ, ასეთი რა ფული გაუჩნდა "დილას", საქართველოს ნაკრების რამდენიმე კანდიდატი რომ მიიწვიეს? როგორც ამბობენ, მოთამაშეებს ჩვენს პირობებზე არც ისე მცირე საკონტრაქტო თანხებს უხდიან, მინიმალური ხელფასი 2000 ლარია, საშუალო 3000, წამყვან მოთამაშეებს კი ბევრად მეტს გადაუხდიანო.

"ჩვენ ისეთი სოლიდური დამფინანსებელი გამოგვიჩნდა, რომ შეუძლებელია, გუნდის დაფინანსება და ამბიციები არ გაზრდილიყო. შინაგან საქმეთა სამინისტრო და დაცვის პოლიცია დიდ ყურადღებას გვაქცევენ. გარდა ამისა, შარშან "ჰაიდელბერგცემენტი" ექვსი თვე გვასპონსორებდა. შესაძლოა, კომპანიასთან თანამშრომლობა გაგრძელდეს. სურვილი თავად გამოთქვეს და უახლოეს დღეებში ყველაფერი გადაწყდება", - ამბობს დალაქიშვილი.

გორში დაწყებულია ბავშთა საფეხბურთო სკოლის განახლებაც. მაგრამ დალაქიშვილის თქმით, მას სხვა დამფინანსებელი ჰყავს.

"საფეხბურთო სკოლა კლუბისგან გამიჯნულია, მის მშენებლობას კი რუსეთში მოღვაწე გორელი ბიზნესმენი, გვარად ფილიშვილი აფინანსებს. ეს მან მოინდომა და თანამედროვე სტანდარტების სკოლის მოწყობა სურს. მაგრამ, რადგან გორელი ბავშვები ივარჯიშებენ, ვფიქრობთ, რომ ჩვენი პარტნიორობა აუცილებელიც იქნება. როგორც ვიცი, ფილიშვილი ჩამოსვლას გეგმავს და თანამშრომლობაზე დავილაპარაკებთ", - ამბობს დალაქიშვილი.

და ბოლოს: "დილა" ანთალიური შეკრებიდან 7 თებერვალს დაბრუნდა. მთავარი მწვრთნელი თემურ მახარაძე ჩემპიონატის განახლებამდე თბილისში კიდევ ერთი საკონტროლო შეხვედრის ჩატარებას გეგმავდა, მაგრამ დიდთოვლობა ამის საშუალებას არ აძლევს.

თურქეთში მახარაძის ხელმძღვანელობით 31 მოთამაშე ვარჯიშობდა. ცხადია, ყველა გუნდში ვერ დარჩება. ვინ დაიმატეს და ვის შეელევიან, მალე გაირკვევა და უახლოეს დღეებში "მიხეილ მესხზე" დაგეგმილ პრესკონფერენციაზე განაცხადებენ - იქვე ახალწვეულებსაც წარადგენენ. მანამდე კი გუნდის ხელმძღვანელები სიახლეებზე ლაპარაკს ერიდებიან.



რეიტინგი: 0.0/0
კატეგორიაკატეგორია: |ნანახიანანახია: 626 |ავტორიავტორი: სტუმარი | თარიღითარიღი: 2017-12-14 | კომენტარები (0)

სულ კომენტარები:: 0
1
სახელი *:
მეილი:
კოდი *:

სამართავი პანელი







ძებნა







გამოკითხვა

ზამთრის საუკეთესო ტრანსფერი


არქივი
შედეგები

სულ პასუხი:
167

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი





  
  


ბოლო თამაშები

დილა გორი  0 - 0   კოლხეთი ფოთი   
ტორპედო     2 - 1   მერანი მარტვილი 
ზესტაფონი  5 - 1     დინამო    
გაგრა           1 - 0     ვიტ ჯორჯია   
სიონი           0 - 3     დილა გორი  
ბაია             1 - 1     ტორპედო  
მეტალური   0 - 0    ზესტაფონი  
კოლხეთი ფოთი      1 - 0    სპარტაკი   
მერანი მარტვილი   2 - 1  დინამო  
მერანი მარტვილი   0 - 2 ზესტაფონი

ბომბარდირები

# Name /სახელ
Club/კლუბი
S - -
1
Djaba Dvali Djaba Dvali
FC Zestafoni
16 9 3 12
2
Xisco Xisco
Dinamo Tiflis
15 9 2 11
3
Dimitri Tatanashvili Dimitri Tatanashvili
Metallurgist Rustavi
17 8 0 8
4
Nikoloz Gelashvili Nikoloz Gelashvili
FC Zestafoni
11 7 2 9
5
Besik Chimakadze Besik Chimakadze
WIT Georgia Tiflis
18 6 3 9
S-თამაში
-- გოლები
-- ასისტი

ვიდეო

ცხრილი

სტატისტიკა

სულ ონლაინში: 1
სტუმარი: 1
მომხმარებელი: 0