ბაია ზუგდიდი                                    
 ხუთშაბათი,7:47 PM,2017 

ბანერი


სიახლე















19 თებერვალს საქართველოს ჩემპიონატის უმაღლესი ლიგა განახლდება და ტურის ცენტრალური მატჩი, რა თქმა უნდა, რუსთავში გველის, სადაც "მეტალურგი” თბილისის "დინამოს” უმასპინძლებს. რა მდგომარეობაა გიორგი დევდარიანის გუნდში? ახალგაზრდა სპეციალისტმა არცთუ ხელსაყრელ დროს ჩაიბარა "დინამო” – როცა ესპანური შეკრება თითქმის დამთავრებული იყო და ამას რომ თავი დავანებოთ, ბევრი ტრავმირებული ფეხბურთელი დახვდა. ლაზარეთში ახლაც არაა სიცარიელე. მოკლედ, დევდარიანს ამ მხრივაც არ ელევა საფიქრალი. 

"მსოფლიო სპორტი” "დინამოს” მწვრთნელს დაუკავშირდა: 
- უპირველესად, მზადების პროცესზე გვითხარით. 
- კმაყოფილი ვერ ვიქნები, რადგან 10 ფეხბურთელი ტრავმირებულია. თანაც, ათივე კაცი მნიშვნელოვანი ფიგურაა გუნდისთვის. დუბლებიდან დავაწინაურეთ რამდენიმე მოთამაშე: ტვილდიანი, კაკულია, სანდოხაძე. ესპანურ შეკრებაზე ალექს გარსიას წაყვანილი ჰყავდა პაპავა, პარუნაშვილი და ხოჭოლავა. სამწუხაროდ, ხოჭოლავა და პარუნაშვილი ტრავმირებულნი არიან. 
- როდესაც "დინამოს” მწვრთნელად ახალდანიშნული იყავით, მაშინ თქვით, რომ ფეხბურთელთა ფიზიკური მომზადება ცუდ დონეზე იყო. ახლაც ასეა საქმე? 
- გარსიამ რაც გააკეთა გუნდისთვის, ამისთვის მადლობა ეკუთვნის. ბურთის კონტროლი,  შეტევა... თუმცა, დამეთანხმებით, "დინამოს” თითქმის ყველა მატჩის მე-2 ტაიმში გაუჭირდა. მე შეკრების ბოლოს ჩავიბარე გუნდი და რომელი ფეხბურთელებიც ჯანმრთელნი დამხვდნენ, ბუნებრივია, მათთან ერთად დავიწყე მუშაობა. 
- 4-3-3 ტაქტიკური სქემის შეცვლას ხომ არ აპირებთ? 
- 4-3-3 დარჩება, თუმცა, ამ სისტემაში იქნება გარკვეული ცვლილებები, ანუ ფეხბურთელებს სხვა დავალებები მიეცემათ, სათამაშო არეალის მხრივ.
- "დინამოს” ტიპიური 9 ნომერი არ ჰყავდა - ამის შეცვლასაც აპირებთ.
- "ბარსელონაც” გამოკვეთილი ცენტრფორვარდის გარეშე თამაშობს, მაგრამ სხვადასხვა მექანიზმებით ხდება ამ როლის თამაში... წეღან ფიზმომზადების თემას რომ შევეხეთ, იმაზე ვიტყვი: სასწაულმოქმედი უნდა იყო, რომ დაშავებული ფეხბურთელები ათ დღეში სასურველ კონდიციებში ჩააყენო. 
- გასაგებია, მაგრამ რატომ შეექმნა ასეთი პრობლემა მაინცდამაინც "დინამოს” ფეხბურთელთა დიდ ჯგუფს? აქ ხომ ზრდასრულ მოთამაშეებზეა საუბარი. 
- მოსამზადებელი ორ ეტაპად იყოფა: განმავითარებელი და შესანარჩუნებელი. ყოველივე ეს არ, ან ვერ შესრულდა. როდესაც ესპანეთში ჩავედი, გუნდში მყოფი 28 ფეხბურთელიდან მხოლოდ 11 ვარჯიშობდა. დიახ, 11 მოთამაშით დავიწყე ვარჯიში. 
- დავაკონკრეტოთ, ამ 17 დაშავებული ფეხბურთელიდან ყველას წმინდა საფეხბურთო ტრავმა აწუხებდა? 
- სამ ფეხბურთელს ძველი ტრავმა აწუხებდა, დანარჩენები კი დაჭიმულობას უჩიოდნენ - კუნთოვანი ქსოვილები იყო დარღვეული. აქ უნდა აღინიშნოს, რომ არცერთ ესპანელს ჰქონია ტრავმა, ყველანი ჯანმრთელნი დამხვდნენ. 
- ეს რას უნდა ნიშნავდეს? 
- ახალი წლის წინა დღეებში, როცა გარსია ესპანეთში წავიდა, ფეხბურთელებს დაუტოვა სავარჯიშო პროგრამა, რომელიც შეკრების დაწყებამდე უნდა გამოეყენებინათ სავარჯიშოდ. ესპანელებმა ამ პროგრამით ივარჯიშეს, ქართველებს კი ეს არ შეუსრულებიათ.  
- რატომ? 
- ან ვერ გაიგეს და ვერ შეასრულეს, ან არასერიოზულად მოეკიდნენ და არ შეასრულეს. 
- საინტერესოა. ერთ არასასიამოვნო ფაქტზეც: მაყურებელმა მოისმინა, რომ ესპანეთში ტესტ-მატჩისას "დინამოს” ფეხბურთელმა ერთ-ერთ ესპანელ ლეგიონერს ცუდი სიტყვებით მიმართა. გვესმის, რომ ფეხბურთია და ზოგჯერ ემოციების დაფარვა ძნელია, მაგრამ მაინც ულამაზო მომენტია. დაძაბულობა შემდგომშიც ხომ არ გაგრძელებულა? და ახლა როგორი ატმოსფეროა გუნდში? 
- ნამდვილად არ იყო სასიამოვნო. მესმის, რომ ფეხბურთი კაცების თამაშია და შესაძლოა, ზოგჯერ ემოციებისგან უკადრებელი უთხრა თანაგუნდელს, მაგრამ მაინც არ იყო ლამაზი. გუნდში ატმოსფეროს შექმნას ძალიან დიდ მნიშვნელობას ვანიჭებ და რა თქმა უნდა, ამაზე ვიზრუნეთ. ესპანელ ფეხბურთელებთან მიმართებაშიც არაა პრობლემა. ქართველებს, შესაძლოა, არაპროფესიონალიზმში დაგვდონ ბრალი, მაგრამ არასტუმართმოყვარეობას ვერ დაგვწამებენ. 
- ამდენი ტრავმირებულია გუნდში და ფეხბურთელების დამატებას ხომ არ აპირებთ? 
- შევთანხმდით, რომ მაისამდე ამ შემადგენლობას დავეყრდნობით. ახალგაზრდებს მიეცემათ თავის გამოჩენის შესაძლებლობა. 
- "დინამოს” დუბლებში მუშაობდით და რამდენიმე ფეხბურთელს სულაც წლებია, რაც   იცნობთ – საუბარია 19-წლამდელთა ნაკრების ფეხბურთელებზე. 
- დიახ, ვიცნობ და ისინიც კარგად მიცნობენ. ოღონდ, ხშირად მესმის, დევდარიანი თავისი ფეხბურთელების დაწინაურებას ცდილობსო. შევახსენებ მათ, რომ ხოჭოლავა, პაპავა და პარუნაშვილი გარსიამ წაიყვანა ესპანურ შეკრებაზე. 
- დაშავებული ფეხბურთელების მწყობრში ჩადგომას როდის უნდა ველოდოთ? როგორც ვიცით, თვეობით მკურნალობა არავის ემუქრება. 
- ერთი თვის ინტერვალში ყველანი ჯანმრთელად იქნებიან. ზოგიერთები სულაც რამდენიმე დღეში დაიწყებენ ვარჯიშს, თუმცა, ერთი თვე იოლი სათქმელია... სულ სამი თვეა დარჩენილი ჩემპიონატის დასრულებამდე. 
- მიმდინარე სეზონში რა მიზნები გაქვთ? 
- ყველა მატჩში გამარჯვება და სათამაშო ხელწერის ამოქმედება. ვიცით, "ზესტაფონიც” იგივეს ეცდება, ამიტომაც, საინტერესო მატჩებს ველი და ვნახოთ, რა მოხდება. 
- გუნდის ახალწვეულებზეც: მერებაშვილის მდგომარეობა როგორია? 
- მან გუშინ დაიწყო ვარჯიში და სასურველი ფორმისგან ჯერ შორსაა. დანარჩენებს დრო გვაჩვენებს. 
- მართალია, თქვენი არჩევანი არ ყოფილა, მაგრამ ნიკა კვეკვესკირმა ესპანურ შეკრებაზე ცენტრალურ მცველად ითამაშა. არადა, კარგა ხანია, საყრდენ ნახევარმცველად ვიცნობთ. რომელ პოზიციაზე მოიაზრებთ კვეკვესკირს? 
- 9 მცველი დაშავებული იყო და კვეკვესკირიც ამიტომ დასწიეს უკან. ისე კი, მას ცენტრალურ მცველად ვერ მოვიაზრებ, სხვა პოზიციებზე უფრო შეუძლია სარგებლის მოტანა. 
 
ილია ნანობაშვილი
 




რეიტინგი: 0.0/0
კატეგორიაკატეგორია: |ნანახიანანახია: 617 |ავტორიავტორი: სტუმარი | თარიღითარიღი: 2017-12-14 | კომენტარები (0)

სულ კომენტარები:: 0
1
სახელი *:
მეილი:
კოდი *:

სამართავი პანელი







ძებნა







გამოკითხვა

ზამთრის საუკეთესო ტრანსფერი


არქივი
შედეგები

სულ პასუხი:
167

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი





  
  


ბოლო თამაშები

დილა გორი  0 - 0   კოლხეთი ფოთი   
ტორპედო     2 - 1   მერანი მარტვილი 
ზესტაფონი  5 - 1     დინამო    
გაგრა           1 - 0     ვიტ ჯორჯია   
სიონი           0 - 3     დილა გორი  
ბაია             1 - 1     ტორპედო  
მეტალური   0 - 0    ზესტაფონი  
კოლხეთი ფოთი      1 - 0    სპარტაკი   
მერანი მარტვილი   2 - 1  დინამო  
მერანი მარტვილი   0 - 2 ზესტაფონი

ბომბარდირები

# Name /სახელ
Club/კლუბი
S - -
1
Djaba Dvali Djaba Dvali
FC Zestafoni
16 9 3 12
2
Xisco Xisco
Dinamo Tiflis
15 9 2 11
3
Dimitri Tatanashvili Dimitri Tatanashvili
Metallurgist Rustavi
17 8 0 8
4
Nikoloz Gelashvili Nikoloz Gelashvili
FC Zestafoni
11 7 2 9
5
Besik Chimakadze Besik Chimakadze
WIT Georgia Tiflis
18 6 3 9
S-თამაში
-- გოლები
-- ასისტი

ვიდეო

ცხრილი

სტატისტიკა

სულ ონლაინში: 1
სტუმარი: 1
მომხმარებელი: 0