ანთალიიდან დაბრუნებული საფეხბურთო კლუბი „გაგრა" ვარჯიშს შეუდგა. მაგრამ საქმე ისაა, რომ დღეს თბილისში ნორმალურ პირობებში ვარჯიში გამორიცხულია. გუნდი „მერანის" სტადიონზე შეიკრიბა და სათადარიგო (მეორე) მინდორზე ივარჯიშა. დათოვლილ მინდორზე ბურთთან ერთად ვარჯიში შეუძლებელია. მთავარმა მწვრთნელმა ფეხბურთელები მხოლოდ ფიზიკური ვარჯიშებით დატვირთა.

აქვე იმასაც გეტყვით, რომ დღევანდელ ვარჯიშშ მონაწილეობა არ მიუღიათ მცველებს – ლაშა კალანდაძეს და გიორგი ჯგერენაიას. ორივე მათგანს ტრავმა აწუხებს. ექიმების წინასწარი დასკვნები დამაიმედებელი ნამდვილად არაა. ხვალისთვის უკვე ცნობილი გახდება, თუ რამდენი დღე ვერ შეძლებენ ეს ფეხბურთელები თამაშს. შეგახსენებთ, რომ კალანდაძემ ტრავმა ყარაღანდის „შახტიორთან" თამაშის დროს მიიღო, ხოლო ჯგერენაია „ბიტოვთან" შეხვედრის მეორე ტაიმში დაშავდა.