ბაია ზუგდიდი                                    
 ხუთშაბათი,7:58 PM,2017 

ბანერი


სიახლე















ზამთრის მოსამზადებელი პაუზისას სატრანსფერი ბაზარზე ცხინვალის "სპარტაკმაც" საკმაოდ იაქტიურა - რვა ახალი ფეხბურთელი მიიწვია, ორ მოთამაშესთან კი კლუბმა კონტრაქტი გაახანგრძლივა.

ამდენი ახალწვეული იმას უნდა ნიშნავდეს, რომ ცხინვალელები, ფაქტობრივად, ახალ გუნდს აშენებენ. ამ და სხვა მნიშვნელოვანი საკითხების თაობაზე "სპარტაკის" მთავარ მწვრთნელ ვლადიმერ ხაჩიძეს ვესაუბრეთ.

- საუბარი მოსამზადებელი შეკრების შეჯამებით დავიწყოთ.
- სამწუხაროდ, პირდაპირ შემიძლია გითხრათ, რომ ზამთრის შეკრება, ფაქტობრივად, ჩაგვივარდა. დიდთოვლობის გამო სათანადოდ ვერ მოვემზადეთ. ურეკში ჩავედით და იქ დიდი თოვლი მოვიდა, ზღვრისპირეთში შეკრება შევწყვიტეთ, თბილისში დავბრუნდით და აქაც იგივე სურათი დაგვხვდა. საერთო ჯამში, ცუდმა კლიმატურმა პირობებმა გუნდს დაღი დაასვა. კონდიციების აკრეფა უშუალოდ ჩემპიონატის მსვლელობისას მოგვიწევს.

- ზამთრის სატრანსფერო პერიოდისას "სპარტაკმა" არაერთ ფეხბურთელთან გააფორმა კონტრაქტი. ახალწვეულებს როგორ დაახასიათებთ?
- მოვიწვიეთ როგორც გამოცდილი, ასევე ახალგაზრდა ფეხბურთელები. გამოცდილთაგან ყველასთან მიმუშავია და ვიცი, რომ მათ თავისი პოტენციალი ჯერ არ ამოუწურავთ. ახალგაზრდებიც კარგი გვყავს, ჩვენი მიზანია, ახალბედებისა და გამოცდილი ფეხბურთელების შერწყმით ახალი, ძლიერი გუნდი ჩამოვაყალიბოთ.

- ანუ ახალგაზრდული ჟინი, პლუს კლასი და გამოცდილება - ასეთია განახლებული "სპარტაკის" ფორმულა?
- დიახ, ასეა... ეს ფორმულა არაერთ გუნდშია აპრობირებული და იმედი მაქვს, ჩვენთანაც გაამართლებს. ახალ გუნდს ვაშენებთ და მუშაობის პროცესში ვართ. ყველაფერს გავაკეთებთ საიმისოდ, რომ ამ ახალგაზრდებმა საკუთარი ძალების ირწმუნონ, გამოცდილმა ფეხბურთელებმა კი კონდიციები აღიდგინონ და სათანადოდ ითამაშონ. რაც მთავარია, მოედანზე სათამაშო დისციპლინა აუცილებლად უნდა იყოს. მუშაობის პროცესში ვართ და ტაქტიკურ სქემებსა და სტრატეგიას კიდევ უფრო მეტად დავხვეწთ.

- რამდენად შეძელით გუნდის თქვენი გემოვნებით დაკომპლექტება?
- ვფიქრობ, რომ ეს მოვახერხე, თუმცა სასურველი შედეგის მისაღწევად გარკვეული დრო დაგვჭირდება. მიმდინარე სეზონს ახალი გუნდის ჩამოყალიბებას დავუთმობთ და პარალელურად პროგრამა-მინიმუმი უნდა განვახორციელოთ, უმაღლეს ლიგაში უნდა დავრჩეთ.

- სეზონის პირველი ნახევრის შესახებ რა დასკვნის გაკეთება შეგიძლიათ?
- უფრო მეტის გაკეთებაც შეიძლებოდა. სამწუხაროდ, ჯერ კიდევ კითხვის ნიშნის ქვეშაა "სპარტაკის" მოწინავე რვა გუნდში მოხვედრა. სეზონი გრძელდება, მეორე წრის დასრულებამდე კიდევ ოთხი ტურია დარჩენილი და ყველაფერი უნდა გავაკეთოთ საიმისოდ, რომ დარჩენილ მატჩებში მაქსიმალურად მოვაგროვოთ ქულები.

- "სპარტაკი" ამ სეზონში საკმაოდ არასტაბილურად ასპარეზობს.
- სამწუხაროდ, ასე იყო. გარკვეულ მიზეზთა გამო დაუგეგმავი ქულები დავკარგეთ, თორემ ახლა ცხრილში გაცილებით უკეთეს პოზიციაზე ვიქნებოდით და უმაღლესი ლიგიდან გავარდნის საფრთხე აღარ დაგვემუქრებოდა.

- საუკეთესო 8 გუნდში მოხვედრის შანსს როგორ შეაფასებდით?
- შანსი არის და არცთუ ცუდი. ახლა მთავარია, ეს შანსი სათანადოდ გამოვიყენოთ.

- საამისოდ, დარჩენილი ოთხი ტურის კალენდარი რამდენად ხელსაყრელია "სპარტაკისთვის"?
- კალენდარი რთულია, მაგრამ მთავარია, ჩვენ ვივარგოთ. უკან დასახევი გზა არ გვაქვს და ყველა მატჩისთვის სერიოზულად მოვემზადებით.

- თითქმის ხუთი თვეა, რაც "სპარტაკში" მუშობთ. რამდენად კმაყოფილი ხართ ამ პერიოდით?
- კმაყოფილი ვარ იმ მხრივ, რომ გუნდის დაკომპლექტებას და ყველა მსგავს საკითხს მე ვწყვეტ.

- უმაღლესი ლიგაში მიმდინარე სეზონი ახალი სისტემით ტარდება. ჩემპიონატის რეგლამენტზე რა აზრის ხართ?
- ამაზე ბევრი ითქვა და დაიწერა. ითქვა პლუსებზეც და მინუსებზეც, აღარ განვმეორდები და მხოლოდ ერთს აღვნიშნავ - როგორც ამბობენ, მჯობნის მჯობნი არ დაილევა და უკეთესი სისტემაც მოიძებნება.

- რომელ სტადიონზე გამართავს ცხინვალის "სპარტაკი" საშინაო მატჩებს?
- სეზონის მეორე ნახევრისთვის მზადება იანვარში "საბურთალოს" ახალ სტადიონზე, "ბენდელაზე" დავიწყეთ და გვინდა, ოფიციალური საშინაო შეხვედრები იქ ჩავატაროთ. იმედი მაქვს, ასეც იქნება. საფეხბურთო სკოლა "საბურთალოს" ხელმძღვანელობა ყველანაირად მხარში გვიდგას, რისთვისაც მათი მადლიერები ვართ.

- ხელოვნურსაფარიან მოედანზე თამაშს ზოგი გუნდი ერიდება.
- ბუნებრივ მოედანზე თამაში კარგია, მაგრამ "ბენდელას" სტადიონის საფარი ერთ-ერთი საუკეთესოა და მასზე არჩევანი ამიტომ შევაჩერეთ.

- ახალი ფეხბურთელების დამატებით, რომელი სათამაშო რგოლი უფრო გაძლიერდა და ვის მიიჩნევთ გუნდის ლიდერად?
- ჯერ შეთამაშების პროცესში ვართ და ვინმეს გამოყოფას მოვერიდები. ყველა რგოლი შესათამაშებელია. ჩვენ მომავალზე ვფიქრობთ და ვმუშაობთ და ყველას კარგად მოეხსენება, რომ სელექცია ერთ თვეში არ ტარდება.

- მაინც როგორია თქვენი და "სპარტაკის" პროგრამა?
- ჩვენი კლუბის პროგრამა 3-წლიანია და ახლა მისი პირველი წელიწადი მიმდინარეობს. ამ ეტაპზე ჩვენი ამოცანა უმაღლეს ლიგაში ადგილის შენარჩუნებაა, მომდევნო სეზონში მოწინავე 5-6 გუნდს შორის უნდა დავიმკვიდროთ ადგილი, ამის შემდეგ კი ევროპის ლიგის საგზურისთვის ვიბრძოლოთ.

ყოველდღიური სპორტული გაზეთი "ლელო"



რეიტინგი: 0.0/0
კატეგორიაკატეგორია: |ნანახიანანახია: 743 |ავტორიავტორი: სტუმარი | თარიღითარიღი: 2017-12-14 | კომენტარები (0)

სულ კომენტარები:: 0
1
სახელი *:
მეილი:
კოდი *:

სამართავი პანელი







ძებნა







გამოკითხვა

ზამთრის საუკეთესო ტრანსფერი


არქივი
შედეგები

სულ პასუხი:
167

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი





  
  


ბოლო თამაშები

დილა გორი  0 - 0   კოლხეთი ფოთი   
ტორპედო     2 - 1   მერანი მარტვილი 
ზესტაფონი  5 - 1     დინამო    
გაგრა           1 - 0     ვიტ ჯორჯია   
სიონი           0 - 3     დილა გორი  
ბაია             1 - 1     ტორპედო  
მეტალური   0 - 0    ზესტაფონი  
კოლხეთი ფოთი      1 - 0    სპარტაკი   
მერანი მარტვილი   2 - 1  დინამო  
მერანი მარტვილი   0 - 2 ზესტაფონი

ბომბარდირები

# Name /სახელ
Club/კლუბი
S - -
1
Djaba Dvali Djaba Dvali
FC Zestafoni
16 9 3 12
2
Xisco Xisco
Dinamo Tiflis
15 9 2 11
3
Dimitri Tatanashvili Dimitri Tatanashvili
Metallurgist Rustavi
17 8 0 8
4
Nikoloz Gelashvili Nikoloz Gelashvili
FC Zestafoni
11 7 2 9
5
Besik Chimakadze Besik Chimakadze
WIT Georgia Tiflis
18 6 3 9
S-თამაში
-- გოლები
-- ასისტი

ვიდეო

ცხრილი

სტატისტიკა

სულ ონლაინში: 1
სტუმარი: 1
მომხმარებელი: 0