ბაია ზუგდიდი                                    
 პარასკევი,7:18 PM,2017 

ბანერი


სიახლე















უსთავის "მეტალურგმა” თურქული შეკრება დაასრულა და ჩემპიონატის განახლებამდე რუსთავში გააგრძელებს მზადებას. კობა ჟორჟიკაშვილის გუნდმა 4 საკონტროლო მატჩი გამართა და მწვრთნელმა ახალწვეულებიც ნახა საქმეში, ეგაა, შეკრება უფრო სრულყოფილი გამოვიდოდა, ირაკლი მოდებაძესა და რევაზ გეწაძესაც რომ ეთამაშათ – მათ ტრავმა აწუხებთ.
"მსოფლიო სპორტი” ჟორჟიკაშვილს დაუკავშირდა და განვლილ შეკრებაზე, პლუს, 19-წლამდელთა ნაკრებში მომხდარ ცვლილებებზე ესაუბრა. გეცოდინებათ, 1994 წელს დაბადებულებს სწორედ ჟორჟიკაშვილი წვრთნიდა 17-წლამდელთა ასაკში და წლეულს შემოდგომაზე ამ გუნდს 19-წლამდელთა ევროშესარჩევის საკვალიფიკაციო ეტაპი ელის, სადაც არა ჟორჟიკაშვილი, არამედ კახა კაჭარავა იქნება მწვრთნელი.
- რამდენად კმაყოფილი ხართ შეკრებით? მოახერხეთ თუ არა იმის გაკეთება, რაც დაგეგმილი გქონდათ?
- ნაყოფიერი შეკრება გამოდგა. კარგ პირობებში ვიყავით და იმ სასტუმროს სიახლოვეს, სადაც ჩვენ ვცხოვრობდით, 10 სათამაშო მოედანი იყო. კიდევ ბევრი გუნდი ემზადებოდა. კმაყოფილი ვარ, რომ 4 მატჩი ჩავატარეთ და არცერთში დავჩაგრულვართ. პირიქით, სათამაშო უპირატესობას ოთხივე შეხვედრაში ვფლობდით, რაც განსაკუთრებით შესამჩნევი იყო. ჩინეთის "ტიანჯინ ტედასთან” - 0:0 დავამთავრეთ, თუმცა, უნდა მოგვეგო. ფეხბურთელები კარგად გამოიყურებოდნენ, ტაქტიკურადაც მშვენივრად მოვემზადეთ. მოკლედ, კარგი შეკრება იყო, მაგრამ სამწუხაროა, რომ საქართველოში უამინდობაა და ეს ჩვენს სავარჯიშო პროცესს აფერხებს.
- ჩემპიონატის დაწყებამდე საკონტროლო მატჩი გექნებათ?
- არა. ხვალიდან გუნდი რუსთავში ივარჯიშებს და ჩემპიონატიც მალე დაიწყება.
- გეწაძისა და მოდებაძის მდგომარეობა როგორია?
- ისინი თურქულ შეკრებაზე წავიყვანეთ და ინდივიდუალური გეგმით ვავარჯიშებდით. მართალია, სრულყოფილად ვერ მოემზადნენ, მაგრამ დაგვეწევიან. ბოლო 2-3 დღე, თურქეთში, გუნდთან ერთად ივარჯიშეს კიდეც. ასე რომ, დიდი პრობლემა ამ მხრივ არაა.
- თექთურმანიძე, სიხარულიძე, ოთარიშვილი და ხოხონიშვილი როგორ შეეწყვნენ გუნდს?
- კარგად გამოიყურებოდნენ. გუნდში კონკურენცია აუცილებელია და ამ ფეხბურთელების იმედიც გვაქვს.
- "მეტალურგს” ყველაზე უფრო რომელ რგოლში ესაჭიროება გაძლიერება?
- ჩვენ სახელისა და გვარის მოყვანას, ისევ გუნდში მყოფი ფეხბურთელების გაძლიერება და დახვეწა გვირჩევნია. მითუმეტეს, თუ ახალწვეული გუნდში მყოფს არ სჯობს, რა აზრი აქვს... რგოლის გამორჩევას არ დავიწყებ, მაგრამ თურქეთში ბევრ საგოლე მომენტს ვქმნიდით და ვერ ვიყენებდით. ამ მხრივ, ბევრი უნდა ვიმუშაოთ.
- საგოლე მომენტების გამოუყენებლობა ზოგადად ქართული ფეხბურთის სენია...
- ასეა და უნდა დავხვეწოთ, რათა უფრო მნიშვნელოვან მატჩებში ცუდად არ იმოქმედოს.
- მიმდინარე სეზონში გუნდის მიზანი რა არის?
- ევროსაგზურის მოპოვება. ეს ორი გზით შეიძლება - ჩემპიონატიდან და თასიდანაც.
- ჩემპიონობა?
- როგორც იტყვიან, მადა ჭამაში მოდისო და ვნახოთ. ქულებში განსხვავება არცთუ დიდია, თანაც, ჩემპიონატის ნახევარია გასული.
- ახლა სანაკრებო თემაზეც: 1994 წელს დაბადებულ ფეხბურთელთა ნაკრებთან თქვენ აღარ მოგიწევთ მუშაობა. წლეულს ეს გუნდი 19-წლამდელთა ევროპის ჩემპიონატის საკვალიფიკაციო ეტაპზე ითამაშებს და მწვრთნელად კახა კაჭარავა იმუშავებს. რას იტყვით ამაზე?
- გასაგებია ის გადაწყვეტილება, რაც ფედერაციამ მიიღო. ალბათ, ასე იყო საჭირო... კლუბსა და ნაკრებში ერთად მუშაობა დიდ ენერგიას გართმევს. მაგალითად, გიორგი დევდარიანი 1993 წელს დაბადებულთა ნაკრებში დატოვეს, მაგრამ ის განსხვავებაა, რომ დევდარიანს "დინამოში” ჰყავდა ამ ნაკრების ფეხბურთელთა დიდი ბირთვი, მე კი "მეტალურგში” არ მყავს.
- კაჭარავას თუ შევხვდით?
- დიახ. ვესაუბრე 1994 წელს დაბადებულ ბიჭებზე. თანაც, კაჭარავას თანაშემწედ გოჩა ავსაჯანიშვილი იმუშავებს, რომელიც ჩემი თანაშემწე გახლდათ, როცა ამ ასაკის ფეხბურთელთა ნაკრებს (17-წლამდელებს) ვწვრთნიდი.

 

ილია ნანობაშვილი




რეიტინგი: 0.0/0
კატეგორიაკატეგორია: |ნანახიანანახია: 977 |ავტორიავტორი: სტუმარი | თარიღითარიღი: 2017-10-20 | კომენტარები (0)

სულ კომენტარები:: 0
1
სახელი *:
მეილი:
კოდი *:

სამართავი პანელი







ძებნა







გამოკითხვა

ზამთრის საუკეთესო ტრანსფერი


არქივი
შედეგები

სულ პასუხი:
167

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი





  
  


ბოლო თამაშები

დილა გორი  0 - 0   კოლხეთი ფოთი   
ტორპედო     2 - 1   მერანი მარტვილი 
ზესტაფონი  5 - 1     დინამო    
გაგრა           1 - 0     ვიტ ჯორჯია   
სიონი           0 - 3     დილა გორი  
ბაია             1 - 1     ტორპედო  
მეტალური   0 - 0    ზესტაფონი  
კოლხეთი ფოთი      1 - 0    სპარტაკი   
მერანი მარტვილი   2 - 1  დინამო  
მერანი მარტვილი   0 - 2 ზესტაფონი

ბომბარდირები

# Name /სახელ
Club/კლუბი
S - -
1
Djaba Dvali Djaba Dvali
FC Zestafoni
16 9 3 12
2
Xisco Xisco
Dinamo Tiflis
15 9 2 11
3
Dimitri Tatanashvili Dimitri Tatanashvili
Metallurgist Rustavi
17 8 0 8
4
Nikoloz Gelashvili Nikoloz Gelashvili
FC Zestafoni
11 7 2 9
5
Besik Chimakadze Besik Chimakadze
WIT Georgia Tiflis
18 6 3 9
S-თამაში
-- გოლები
-- ასისტი

ვიდეო

ცხრილი

სტატისტიკა

სულ ონლაინში: 1
სტუმარი: 1
მომხმარებელი: 0

   

სიახლე

გაგრა - სიონის ფრე


ქუთაისის "ტორპედომ" ვახტანგ კვარაცხელიასთან კონტრაქტი 2015 წლამდე გაახანგრძლივა


ინფორმაცია და მიღწევები დინამოს ახალი მწვრთნელის შესახებ


ლანჩხუთის "გურია": 10 000-იანი სტადიონი, ახალი საფარი და უმაღლესი ლიგა


"ზესტაფონი" კახა ალადაშვილსა და გოგი ფიფიას მადლობით დაემშვიდობა


თუმცა მერვე ადგილზე მყოფ "გაგრას" სამი ქულით ჩამორჩება. გუნდები, რომლებიც რვა საუკეთესოში მოსახვედრად იბრძვიან, სატურნირო ცხრილში მჭიდროდ არ


გორის "დილა" დიდი ამბიციით და ნაკლები ადგილობრივებით


გიორგი დევდარიანი: ალექს გარსიამ ქართულ მენტალიტეტს ვერ გაუგო


"გაგრა" სიდეში დაბინავდა


"ზესტაფონი" ესპანეთს გამარჯვებული ემშვიდობება