ბაია ზუგდიდი                                    
 სამშაბათი,2:53 PM,2018 

ბანერი


სიახლე















"ვიტ ჯორჯიამ" თურქული შეკრება დაასრულა და სეზონის მეორე ნახევრის დაწყებამდე დარჩენილ დღეებში აქ მოემზადება.

შეგახსენებთ, ვეტერინარებმა დაბა ბელექში ორი კვირა გაატარეს და სამი საკონტროლო მატჩი ჩაატარეს. იქაური შთაბეჭდილებებისა და გუნდის გეგმების შესახებ "ვიტ ჯორჯიას" მთავარ მწვრთნელ ზურაბ ბერიძეს ვესაუბრეთ.

- უპირველესად, თურქეთში ჩატარებული მატჩები შეაფასეთ.
- სანამ უშუალოდ შეხვედრებზე გადავიდოდე, კმაყოფილებით აღვნიშნავ, რომ "ვიტ ჯორჯიას" თურქეთში იდეალური მოსამზადებელი პირობები ჰქონდა - ჩვენს განკარგულებაში იყო უმაღლესი კლასის სასტუმრო, შესანიშნავი სავარჯიშო და სათამაშო მოედნები. ამინდშიც გაგვიმართლა - სულ დარი იყო და ერთი ვარჯიშიც კი არ ჩაგვშლია.

ასე რომ, თურქული შეკრება ძალიან ნაყოფიერად გამოვიყენეთ, რაც, ბუნებრივია, ჩვენს თამაშზე დადებითად აისახება.

პირველი საკონტროლო მატჩი გერმანულ "სვ გერმანია შიონაიხესთან" ჩავატარეთ და ფრედ, 1:1 დავასრულეთ. არავინ მოატყუოს იმ ფაქტმა, რომ ეს კლუბი ობერლიგაში თამაშობს - საკმაოდ ძლიერი მეტოქე აღმოჩნდა, მაღალი დონის ლეგიონერებით დაკომპლექტებული და ფიზიკურად კარგად მომზადებული. ურიგოდ არც "ვიტ ჯორჯიას" უთამაშია.

ამის შემდეგ ძალები სანკტ-პეტერბურგის "ზენიტის" დუბლშემადგენლობასთან მოვსინჯეთ და 0:0 ვითამაშეთ. "ზენიტის" დუბლების ფეხბურთელთა უმრავლესობა რუსეთის ასაკობრივი ნაკრებების წევრია. "ზენიტში" აშკარად გამოირჩეოდა ქართველი ჩემინავა. ჩვენმა გუნდმა ამ შეხვედრაშიც ნორმალური შთაბეჭდილება დატოვა.

მესამე სპარინგ-მატჩში კი ყველაზე ძლიერი მეტოქე გვყავდა აზერბაიჯანული "ყარაბახის" სახით. როგორც იცით, ეს კლუბი თავის ქვეყანაში ერთ-ერთი საუკეთესოა და ევროტურნირებზეც წარმატებით ასპარეზობს ხოლმე. ჩვენმა გუნდმა "ყარაბახს" ტოლი არ დაუდო და თუ საწყის 25 წუთს არ მივიღებთ მხედველობაში, როცა სამივე გოლი მივიღეთ, ყველა თვალსაზრისით ხარისხიანი ფეხბურთი ვაჩვენეთ. არაერთი საგოლე შანსიც გვქონდა, თუმცა მხოლოდ ერთი გამოვიყენეთ და საბოლოოდ, 1:3 დავმარცხდით.

- ჩემპიონატის განახლებამდე საკონტროლო მატჩის ჩატარებას კიდევ ხომ არ გეგმავთ?
- უამინდობის გამო ეს ნაკლებად სავარაუდოა. თუ დიდთოვლობამ პირველი ტური გადადო, მაშინ ალბათ, უთამაშებლად არ დავრჩებით, ხოლო თუ კალენდარი არ დაირღვა, სეზონის განახლებამდე აღარ ვითამაშებთ. ჩვენი დუბლშემადგენლობა კი, როგორც იცით, "ბენდელას თასზე" ასპარეზობას განაგრძობს.

- შეგიძლიათ თქვათ, რომ "ვიტ ჯორჯია" ოფიციალური შეხვედრებისთვის უკვე მზადაა?
- თუ ამინდმა ხელი არ შეგვიშალა, 14 თებერვალს სრულ მზადყოფნაში შევხვდებით.

- ახალწვეულებით კმაყოფილი ხართ?
- როგორც იცით, დუბლშემადგენლობიდან პირველ გუნდში რამდენიმე ფეხბურთელი დავაწინაურეთ და ახალწვეულთა უმრავლესობასაც სწორედ ისინი შეადგენენ. მათ შესაძლებლობებს კარგად ვიცნობ და მჯერა, "ვიტ ჯორჯიას" დიდ სამსახურს გაუწევენ.

- კონკურენციის ხარისხი გაკმაყოფილებთ?
- ყველა რგოლში მძაფრი კონკურენცია გვაქვს, რაც ძალიან მახარებს. თითოეულმა ფეხბურთელმა იცის, რომ ძირითად შემადგენლობაში მოსახვედრად დიდი შრომა სჭირდება, ამავდროულად, ყველასთვის კარგად არის ცნობილი ის ფაქტიც, რომ მონდომება დაუფასდებათ.

- თქვენი გუნდის კაპიტნისა და უდავო ლიდერის, გიორგი ჯანელიძის თაობაზე "ვიტ ჯორჯიას" კონკრეტული წინადადებები ხომ არ მიუღია?
- გიორგიმ თავისი თამაშით ბევრის დაინტერესება გამოიწვია. ვიცი, რომ მას თურქეთშიც აკვირდებოდნენ და შორს არაა ის დღე, როცა ჯანელიძე კარიერას სხვაგან გააგრძელებს. თუმცა ამ სეზონის ბოლომდე იგი, ალბათ, "ვიტ ჯორჯიას" დაეხმარება.

- ჩემპიონატის პირველ ეტაპზე დარჩენილ მატჩებზე რას იტყვით?
- როგორც იცით, ამ სეზონში ჩვენი მთავარი მიზანი უმაღლესი ლიგის რვა საუკეთესო გუნდში დამკვიდრებაა. ამ ამოცანამდე კი ოთხი საკმაოდ რთული შეხვედრა გვაშორებს - შინ "სპარტაკსა" და "ზესტაფონთან" და სტუმრად "კოლხეთსა" და "ტორპედოსთან".

კარგად ვაცნობიერებთ, რომ თითოეულ ქულას ოქროს ფასი აქვს. სატურნირო ცხრილს რომ გადავხედოთ, 14 თებერვალს უშუალო კონკურენტ "სპარტაკთან" მცხეთაში უმნიშვნელოვანესი მატჩი გველის, რომლის მოგების შემთხვევაშიც მიზანი, ფაქტობრივად, მიღწეული გვექნება.

ყოველდღიური სპორტული გაზეთი "ლელო"



რეიტინგი: 0.0/0
კატეგორიაკატეგორია: |ნანახიანანახია: 729 |ავტორიავტორი: სტუმარი | თარიღითარიღი: 2018-10-23 | კომენტარები (0)

სულ კომენტარები:: 0
1
სახელი *:
მეილი:
კოდი *:

სამართავი პანელი







ძებნა







გამოკითხვა

ზამთრის საუკეთესო ტრანსფერი


არქივი
შედეგები

სულ პასუხი:
167

რეკლამა

რეკლამისთვის ან ბანერის გაცვლისთვის მოგვმართეთ აქ: ადმინთან კონტაქტი





  
  


ბოლო თამაშები

დილა გორი  0 - 0   კოლხეთი ფოთი   
ტორპედო     2 - 1   მერანი მარტვილი 
ზესტაფონი  5 - 1     დინამო    
გაგრა           1 - 0     ვიტ ჯორჯია   
სიონი           0 - 3     დილა გორი  
ბაია             1 - 1     ტორპედო  
მეტალური   0 - 0    ზესტაფონი  
კოლხეთი ფოთი      1 - 0    სპარტაკი   
მერანი მარტვილი   2 - 1  დინამო  
მერანი მარტვილი   0 - 2 ზესტაფონი

ბომბარდირები

# Name /სახელ
Club/კლუბი
S - -
1
Djaba Dvali Djaba Dvali
FC Zestafoni
16 9 3 12
2
Xisco Xisco
Dinamo Tiflis
15 9 2 11
3
Dimitri Tatanashvili Dimitri Tatanashvili
Metallurgist Rustavi
17 8 0 8
4
Nikoloz Gelashvili Nikoloz Gelashvili
FC Zestafoni
11 7 2 9
5
Besik Chimakadze Besik Chimakadze
WIT Georgia Tiflis
18 6 3 9
S-თამაში
-- გოლები
-- ასისტი

ვიდეო

ცხრილი

სტატისტიკა

სულ ონლაინში: 1
სტუმარი: 1
მომხმარებელი: 0

   

სიახლე